PDA

عرض كامل الموضوع : شغاله ترقم



mr.ghost
29-08-2003, 05:20 AM
صحيح ان الترقيم شي قديم و ماصل

مثل اللي يرقم و ماله علاقة بالجنس الناعم ابد ومن بعده الترقيم


بس قصتي اليوم قصة عجيبة غريبة

اللي صار يا طوال الاعمار وطويلات الاعمار (ناطحات سحاب)
كنت ازور واحد من الربع في حي أهله يتسبحون بدهن عود من ادخل بشارعهم وانا فاتح القزاز علشان الريحة مهوب مثل بعض الاحياء تدخل وانت متلطم والمكيف بارد على آخر شي ومولع خمس سقاير(لا للتدخين) ويالله السلامة
المهم عند باب خوينا طلع لي الحارس حقهم وقال اصبر شوي لين ندق عليه بجناحة (عباس بن فرناس) ويرد ويسمح لك تقابله (والله ما صارت خوه ذي بس وش نقول )
يتلزق بعيال النعمة ..
بقولكم سر (تلزقي مهوب علشان عيونه كله علشان اخته اللي تطيح الطير مره صلحت لها كمبوترها وقالت لي شكراً يا عيوني ومن عقبها وانا كل يوم ازورهم (البنت من زود الذوق لكن وش نقول بعقول بعض الناس ) حتى لو كانوا مسافرين (يا كثر سفراتهم) اجي لبتهم في اليوم مرتين تقريبا
يحي علشان ريحة الحي
المهم اني طولت شوي وانا انتظر والزول حقهم يشرب شاهي ومروق ولا جاب خبر ولا حتى تفضل في الظلال من الحر
يانصاب هماك تقول انك مشغل المكيف ..(مشوها تكفون)
شوي والمح ذاك الزل اللي جاي يتمخطر
دق قلبي على مخي وقال اختك خويك .. ما بدهاش
وانا اللي افز وازين الشماغ واترزز
وهي اللي تذب على رقم في السيارة وترجع على طول ..
اخذت الورقة وشغلت الموتر وانحشت والزول يقول رايح على فين عمنا يقول اتفضل .. قلت بصوت عالي اشربه انت .. .؟؟
مشيت والورقة في يدي مثل النار ما فتحتها الا في البر علشان ما يشوفني احد !!
( الحب من اول نظره خطير ) ..!!
فتحت الورقة بعد ما سويت لي براد شاهي لزوم المخمخة ( بيت متنقل )
وكل شوي افتح باب السيارة واشم باقي روايح حيهم ( يا بعد حيهم )
لقيت مكتوب في الورقة كلام ولا في الاحلام انه يصير
يا ترى وش مكتوب؟؟؟؟؟؟؟

عيوني زغللت
والعرق بدا يصصب رغم ان الجو حر جداً
عرقت وارتجفت وكل امور الرجفة صارت معي!!!!!!!!!!!!!!!!!

لقيت الرقم مكتوب بخط وش زينه ( ايه هين)
وموعد الاتصال الساعة العاشرة مساءاً
على طول اشتغل العقل الرومانسي والقلب الجريح
رقم = مكالمة مطلوبة من الطرف الآخر يعني مضمون الرد !!
الوقت = يعني ان فيه لقاء او ان الشوق ماخذ حده والامل كبير في ليلة رومانسية من الطراز الاول .. او مكالمة صباحية

يا طول الوقت طولاه .. من العصر لين 10 بالليل والله الوقت وشلون بيمشي مدري
لا وبعد وشلون بيمشي على راعية الرقم اللي تبيني (الله يعينها)
وانواع تضييع الوقت ومن شارع لشارع ومن حلاق لحلاق ومن مغسلة لمغسلة وانواع التزين ..
عند الاشارة تكون الساعة التاسعة مساءا وثلاثون دقيقة ..
بقى 30 دقيقة على الصوت الجريح
بقى دقائق على موعد العمر
يا ولد كلم من حول بيتهم يمكن تقول ادخل والوقت ضيق ..
وهوى (هوا ) إلى حي العطور والبخور ..
اللي يشوفني في السيارة عند الاشارات وانا متجة لهم يقول انه مصبوب عليه اسمنت ابيض او راشينه بنشا ومولعين عليه المكيف حار .. !
وصلت للحي اشارت الساعة إلى العاشرة ..
انتظرت وقلت الثقل زين .. ( حكمة قديمة مدري وشي له بس تجيب نتائج احيانا واحيانا يقولون ضف وجهك من اولها ثقل)
دقيت وقلبي يطير من ايش مدري بس علوش يقول ان اهل الحب يسوون كذا ..
انرفعت السماعة
وطلعت لي شغالة
الو بابا : مين كلام
الو : انا .. انا .. شوي يوم قالت انتا فيه رجال اليوم شيل رقم
انا : ايه ايه
قالت : شوي ماما ما يبي يكلم انتا ..!!!
في نفسي قلت ماما اجل الوضع مهوب خالي من الكوليسترول .. !!
المهم انتظرت شوي وقلت الو :
قالت الشغالة : شوي ماما ما فيه صلاة
قلت لنفسي صلاة .. وانا اللي ما ركعتها من العصر علشان الرسالة !!
قالت شوي بابا
قلت سمي وانا اصبصب عرق وابليس محضر عند خشتي ..
شوي الا وذاك الصوت الخاثر يقول الووووووووووووووه
قلت هلا والله وغلا ..
من معي : قالت حياك الله
انت اللي اليوم عطت الشغالة الرقم ..
قلت بشحمة ولحمة قالت حياك الله
تعرف بيتنا قلت والله انا حولكم بس لو وصفين اكون شاكر
حاط في بالي ان الوضع في بيتهم تمام ولا فيه الا هي والشغالة
قالت : يا وليدي ..!!
ياوليدي :: ...؟؟؟!!!!!
ياوليدي ..!! :cry: :shock:
وشلون تنصرف ذي
قلت : عفوا !! :shock: :shock: :shock:
قالت الله يعافيك بيتنا هو رابع بيت عن البيت اللي كنت واقف عنده
قلت سمي
قالت انا بطلب منك طلب الله يحفظك لشباك
قلت سمي قالت قابلني عند الباب
انواع التتنيح :shock:
قلت سمي اجل وشو له جاييييييين الا علشان المقابله
المهم لبقت عند الباب وانواع بخ العطورات من عطورات ميد ام 25 ريال حقت المخازن !!
شوي فتحت الباب حق بيتهم الفخم
وطلعت لي ذيك العجوز الله يحفظها لشبابها
وقالت لي تفضل يا ولدي
ودخلت وانا مثل اللي كابين عليه ما ويمشي من غير ما يحس
دخلت وقعدت في المحلق حق بيتها وقالت انا ابي اشتكي لك .. !!!
لا حول ولا قوة الا بالله عجوز ومراهقة ما يصير
قامت تبكي قلت ياعمري لاتبكين .. قال ياوليدي من حر ما اونس
ينحب من اول نظرة
قالت انا ارملة وشفت هالبيت وهالعز
انا ابشتكي لك
عن ايش طال عمرك
عن حالي وحال عيالي معي !!
عندك عيال طال عمرك
قالت ايه وهم سبب جيتك هنا
راح فيها (لايطلع لي احد منهم الحين يتوطأ في بطني ثمن اروح في خبر موعد مجهول ..!!
قلت فيه احد منهم ..
قالت : لو فيه ما قلت لك تعال
للحين الوضع ملخبط وحاس ان فيه شي مو طبيعي
قالت ابقولك كل شي بصراحة
ان اولادي مانعييين عني السواق ومخلين لي ذا الشغالة
كل ما صار عندي موعد بالمستشفى حق العيون ارسلتها ترقم لي اقرب من في الشارع
يا وليدي الله يخليك لشبابك بكرة الساعة 9 الصبح عندي موعد اسنان وعيون وابيك توديني بدل هالجاحدين للمستشفى الله يصلحهم
رميت الشماغ على الارض وقلت هات مويه وشربت ودعيت على عيالها جعلهم الصلاح
وقلت لها سمي يا خاله ابشري باللي يوصلك للي تبين
لكن ادعي لي ان الله يغفر لي .. ويصلح نيتي
قالت عقب ما توصلني يا وليدي .. !

• وصلتها ودعت لي (لا تحسبونها جحدتني) !!






تحياتي

مفارق
30-08-2003, 02:39 PM
سسسسسسسسسسسسسسسسلام


Mrrrrrrrrrrrrrrrrrrrrrr.Ghost


looooooooooooooooooooooool

من جد


لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل



مهو عليك على العجووووووووووووز


تحس أن لها ماضي صح


مهي بسيطه والله


وسسسسسسلمت هل الأنامل والله


مــــــــــــــــــ :oops: فارق

mr.ghost
30-08-2003, 08:44 PM
انا كنت اتمنى اني الحق على هالعجيز ايام شبابها

بس عاد وش نقووووووووووول




وتسلملي حبيب روحي فروووقتي على تفاعلك المميز

بس حلوه ( الانامل ) سجلها




تحياتي

السلطان
11-09-2003, 11:56 AM
mr.ghost,

ههههههههه

والله انك خطير. .

بس اموت و اعرف ليش الشغاله اختارتك انت بالذات. . . ؟:wink:

بيـــــــــس ياعسل. .

mr.ghost
12-09-2003, 02:11 AM
والله ماادري اخوي السلطان

بس عاد وش تقول المقروووود مقروووود




شاكر لك على مرورك الكريم





تحياتي

السلطان
12-09-2003, 08:52 AM
mr.ghost,

اخاف انها معجبه فيك. .

يمكن ذكرتها بأحد. .:wink:

ههههههههه

بيــس ياعسل

-«b4Love»-
12-09-2003, 02:49 PM
ككككككككككككككككككككك

يا عمرى يا مقطع قلوب الشغالااات
حتوته حلوووه مشكوور ويعطيك العافيه

خالد الحربي
13-09-2003, 08:50 PM
افففففففف
ويش هذه الحركات
باين معذب جميع شغالات الحي


والله اخاف على شغلاتنا منك

mr.ghost
16-09-2003, 01:04 PM
اخوي السلطان

الظاهر انها من جد متذكره واحد

بس وش نقول الشكوى على الله

يخلق من الشبه خمسميه



تحياتي حبيب البي

mr.ghost
16-09-2003, 01:07 PM
اخوي -«b4Love»-



الله يعافيك والف شكر على مرورك الكريم ياقلبي

وعلى فكره حلو اللقب




تحياتي

mr.ghost
16-09-2003, 01:13 PM
هههههههههاي حلوه اخوي خالد الحربي

لا لا تخاف على شغالتكم

اصلا انا كرهت الشغالات كل ابوهم




تحياتي على مرورك الكريم و تفاعلك الاكرم