PDA

عرض كامل الموضوع : يااابنت



الكاحل
16-05-2004, 06:08 AM
يااابنت

11 لعيونك السود جيتك رافـع راسـي *** شيخ خذا ثار خاله من ولـد عمـه
لعيونك اقبلت لاذاكـر ولا ناسـي *** بعت الحياة وشريت الموت بالقمه
لعيونك اللي نفتني لكـن احساسـي *** عيـا يصـدق عيـون مالهـا ذمـه
جيت اقتل الذل وأسكن قلبك القاسي *** ظميت واوفيت وجيت ادور الضمه
يا بنت انا طحت لكن طحت متواسي *** ولا زلت لرضاك لا شرق ولا يمه
لو يوم عنك يسج القلـب متناسـي *** عهد علي لقتله واسقيك مـن دمـه
يا بنت انا ينتخيبي ساسي الراسـي *** وإن مامدحني قصيدي ليش ماذمـه
يا بنت بشتي وقدي وأعرف اقياسي *** واللي حكى فيه ضميني على غمـه
يا بنت لو قيمتي في مظهر لباسـي *** كسيت ثوبي ذهب من كمـه لكمـه
عزيز نفس وغرورك ماطوى ياسي *** ولعيونك السود جيت بحزم وبهمـه
يا فرحتي يا ربيعي وأهلي وناسـي *** البيض خالات كل الزين وأنتي أمه


الشاعرضيدان بن قضعان

fido_dido
16-05-2004, 07:46 AM
لعيونك السود جيتك رافـع iiراسـي شيخ خذا ثار خاله من ولـد iiعمـه


تسلم الكاحل،،،،

يعطيك العافيه على النقل المميز،،،،،صراحه البيت الاول عجبني كثير كثير،،،،،

الكاحل
16-05-2004, 08:37 AM
الله يسلمك اخوي fido_dido

واهم حاجه عندي ان في جاجه اعجبتك في القصيده
وشاكرلك مرورك على القصيده

بـــــدوي
17-05-2004, 09:32 AM
الكاحل

تسلم يالغالي

مشاركه منك روعه لشاعر قمه على عرش الشعر النبطي

لاهنت ياذيبان على ماجبت

يا بنت انا طحت لكن طحت متواسي *** ولا زلت لرضاك لا شرق ولا يمه
لو يوم عنك يسج القلـب متناسـي *** عهد علي لقتله واسقيك مـن دمـه


تحياتي

البدوي

taloosh & loulou
22-05-2004, 03:18 PM
مشكور اخي الكاحل
وسلمت يمناك على المشاركة الرائعة
وأتمنى انك لا تحرمنا من مثل هالكتابات

واضيف لك اخي الكاحل بأنها
قصيده رائعه 00 روعتها فى تجسيدك لها
فى احساسك لها
فى نبضك الصادق ومشاعرك الملتهبه

تحياتي

الكاحل
30-05-2004, 01:03 PM
بـــــدوي
لاهنت ياذيبان على ماجبت
ولاانت

taloosh & loulou

شاكرلك اخوي على مرورك لكريم