PDA

عرض كامل الموضوع : الطاووووووووووووووسه



سلطان المشاعر
04-09-2007, 12:56 PM
يا أنيقـه آسـف بشـده علـى iiهالحوسـه
غرفتي تشبـه كثيـر أوضاعـي iiالمحيوسـه
مـا توقعتـك أبـد بتجـيـن ! iiفاجأتيـنـي
ع العمـوم الله يحيّـي الطلّـه iiالمحروسـه
وقّفـي لحظـات بيـن عيونـي iiالتعبـانـه
لين أرتّـب لـك أريكـة قلبـي iiالمشموسـه
واجلسي بيـن الزرايـر والحشـا iiالافريقـي
وائذني لي للبكي .. بيذاكر معـاكِ iiدروسـه
شاعـرك .. فوضـاه علّمتـه يرتّـب iiحبّـه
أنتي .. ثمّ الحزن .. ثمّ دموعـه المحبوسـه
والدّموع اللي على وصلـي ووصلـك تنـزل
ترفـع بنزولـهـا أعلامـنـا iiالمنكـوسـه
هذا إنتي؟؟ ماني مصدّق .. ولا ني مكذّب ii!!
آه مـن بـرد الجفـا ورياحـه iiالمتروسـه
وايه حنّا نـاس غيـر النـاس يـا iiحوريّـه
روسنا ما هيب لضعـاف البشـر iiمريوسـه
لي افترقنا نبتسـم ! ولـي التقينـا نبكـي ii!
ويا فديـت جنوننـا واشياءنـا iiالمعكوسـه
مرحبا .. ترحيبـة البـدو العزيـب الرحّـل
بالمطر .. لاوّل هشيـم الماحلـه iiالمعبوسـه
صح هذا انتي ! وهـذا عطـرك iiالسمياكـي
وهذي بوهة وجهك اللي بالضحى iiمحموسـه
وهذي ربطة شعرك البيضا .. وذي iiخصلاتـه
كنّها في زيـت زيتـون الشفـق iiمغموسـه
وهذي الوانك .. وهـذا المعطـف iiالعنّابـي
وهذي ساعة يـدّك المحظوظـه المنحوسـه
لا هـي اللـي طالـت أصابعـك وتشابكهـا
ولا هي اللي قريبـه مـن عاتقـك iiوتبوسـه
وهذي مشيتك اللي من صغرك مـا iiغيّرتيهـا
هالبشـر يخجـل يضـر القـاع ولاّ iiيدوسـه
الجمـادات الـرذاذ .. تهمـس لا iiمرّيـتـي
مرحبـا يالناعـس المحشومـه الطاووسـه
قولي والله انك انتي معي ! ماني مصـدّق ii!
لا تلوميـن الحـواس الشـرّد iiالمهـووسـه
كل ما غنـى لـي الغيّـد بصـوت iiمواصـل
شلّهـا قلبـي وركّبهـا عـلـى iiمنكـوسـه
صـورةٍ فـي البـال لـك معامـد iiاتخيّلهـا
أقرب احيانـاً مـن المحسوسـه iiالملموسـه
وانتي لو مـا كنتـي فيـدّي ولا كنتـي لـي
لحظتك عن عام .. كـل ليلـه مـع iiعوسـه
لانّـك الأفخـم إسـم .. والأبسـط iiانسانيّـه
ولانّك الوجه التقي .. والطيبـه iiالمغروسـه
ولانّي أحبك محبة عمق .. مـا هـي iiنـزوه
أسمى من حب الجسد .. وللهوى iiونجوسـه
يا أنيقه .. آسـف بشـدّه علـى iiهالحوسـه
لهجتي تشبـه كثيـر أوضاعـي iiالمحيوسـه
مـا سألتـك ليـه جيتينـي .. ولا iiضيّفتـك
ما ابي أخرّب على جـو الوصـل iiوطقوسـه
ليه جيتي؟ أسألك .. وانا اعرف وش iiجابـك
طاب شجر الغـاب والحطّـاب قـرّب فوسـه
لا تقولين اني أرخصتك .. وانا ما iiارخصتـك
ولا تقوليـن اشتـراك المشتـري iiبفلوسـه
ولا تقولين ان هالمـره .. هـي آخـر iiمـره
اتركي لـي حلـم بعـد احلامـي iiالميئوسـه
انا شاعر .. حلمه اللي سـوّا منّـه شاعـر
الذهـب والعالـم الجديـد .. دم iiضـروسـه
يا أنيقه .. لو خـذوك وسافـروا بـك عنـي
الارض صدري .. والسفر من قوسه ليا قوسه
ليت صيت الجد ما ينفـع سخيـف iiاحفـاده
وليتها هالحيـن وان الكـل شـارب iiموسـه
وليت .. نقطه نقطـه نقطـه نقطـه iiنقطـه
ما ابي أغلط في الزمن والعالـم iiالمنفوسـه
ما اعرف شو اقول .. ولا اعرف ايش iiاسوّي
الحزن .. طلّت من ابـواب الليالـي iiروسـه
انسي كل اللي حصـل هاللحظـة iiوضمّينـي
يا خسارة عمري اللـي راح ويـا iiناموسـه
والله ان امه دعت لـه تحـت بـاب iiالكعبـه
واحـدٍ حطّـك فـي بيتـه يالغـلا iiعروسـه
م
ن
ق
و
ل

زمرده
05-09-2007, 05:44 PM
الله يعطيك العافيه
على النقل الرااائع

دمت بحفظ الرحمن

سلطان المشاعر
08-09-2007, 12:51 PM
شكرا على المرور اخت زمرده

محمد الجنزوري
08-09-2007, 01:13 PM
شكرا اخي

سلطان المشاعر
08-09-2007, 09:31 PM
مشكور اخوي الجنزوري على المرور وبالتوفيق ان شاء الله

لـمــســـــــــــات
27-10-2007, 08:09 AM
http://www.yesmeenah.com/smiles/smiles/48/1%20(157).gif
كلمات حلوة

يعطيك العافية

تقبل مروري أختك

*لـمــســــــــــــات *:)

فضاء الكون
27-10-2007, 09:11 AM
http://www.yabdoo.com/users/3583/gallery/143_p1881.gif
http://www.yabdoo.com/users/3583/gallery/143_p1891.gif




الموضوع جميل

سلطان المشاعر
28-10-2007, 01:34 AM
تقبلوا فائق أحترامي وتقديري
لمسا ت وفضاء الكون