PDA

عرض كامل الموضوع : اغنية البارحة يوم الخلايق نياما



دلوعة ماما وبابا
09-09-2007, 08:41 PM
هاي حلويين شلونكم
ابي طلب منكم بليييز ما تردوني
ابي اغنية البارحة يوم الخلايق نياما بصوت راشد الماجد
بليييييييييييييييييييز
وشاكرة لكم
تحياتي,,,,,

K2A2K2A
09-09-2007, 11:36 PM
ماطلبتي شي يادلوعة ماما وبابا
ارسلها على الايميل ولا احطها لك في الموضوع

K2A2K2A
10-09-2007, 12:13 AM
واذا تبين مقطع المسلسل
او راشد يغني البارحه دق عود

ZeRoX
10-09-2007, 07:57 AM
عزيزتي دلوعة ماما وبابا


مطول الغيبات ياب الغنايم


بس انتي جايه وما شفنا غنايم الا طلبات لوووووووووووووووول


في موضوع خاص بالطلبات للأخت الغالية Hollow Girl


بس ما دام انك رزيتي طلبك هنيه ما راح نقصر معاك إن شاء الله


بصراحة الأغنية روعة وقصتها كمان



للتحميل الاغنية (http://www.mediafire.com/?8g1gtzg0d1z)



وفي هالوقت راح اعلمك القصة


مرثيه ( نمر بن عدوان).... مع سالفتها هوالشيخ نمربن عدوان..أمير((البلقاء))



من الشعراء اللذي صهرتهم المصائب وصبتهم في قالب الخيال المريروهزتهم العواصف القاسية من غيررحمة ولاهوادة.


نمربن عدوان الاميرالشاعر...اللذي قتل زوجته بلاعمدولاقصد...
وقصة القصيدة تبدى..إن الشيخ نمرقررإنه يتزوج وطلب من احدىقريباته تدله على بنت مزيونه فقالت ياشيخ نمرمالك إلابنت الشيخ فلان والشيخ ماياخذالابنت شيوخ المهم إن الشيخ نمرراح للشيخ هذا المقصود..وخطب بنته وكان الشيخ عنده بنته وكانت في غاية الجمال وهذي هي اللي يبيها الشيخ نمروبنفس الوقت عنده بنت اخوه اليتيمه ولكنهاليست على قدرمن الجمال مثل بنت عمها
فقررالشيخ انه يعطي بنت اخوه للشيخ نمروتزوجهاالشيخ نمروفي ليلة الدخله شافهاوماعجبته كان اسمهاوضحى..حست وضحى انهاماعجبت الشيخ فقررت إنه تشيله على كفوف الراحه عشان مايصرف النظرعنهاوفعلاكانت عندكلامها ..وتدريجاحبهاالشيخ نمرالي درجة الجنون وعاشت معه عشرسنوات كلهاحب وسعاده وراحة بال وكانت وضحى معوده الشيخ نمرانه اذا جابالليل تربط الخيل وتدلك ظهره قبل ينام وفي ليله من الليالي نست تربط الخيل


المهم ان الشيخ قبل ينام عشان تدلكه..سئلهاوقال ربطتي الخيل ياوضحى؟؟
هي خافت انه يزعل لودرى انهاماربطته ..وقالة ايه ياشيخ ربطته
ونام الشيخ نمرعشان تدلكه ولكنهاماجت..وفجئه سمع صوت احدعندالخيل
واخذسلاحه وراح يشوف..وكانة الدنياظلمى..المهم حس بحركه غريبه ورمى بالسلاح تجاه الشخص اللي عند الخيال يوم راح يشوف من اللي عندالخيل إكتشف إنهاحبيبة قلبه وضحىقام يصيح جمبهاويقول وش جابك ياحرمه وش مطلعك؟؟قالت وضحى وهي تبتسم..ذبحتني يانمر؟؟


قال الشيخ نمر:اناماذبحتك انتي اللي ذبحتيني
وماتت وضحى..ومن يومهاوهويكتب القصائدالمرثيه اللي تقطع القلب من كثرالبكاا................ ..
وفي عام 1300هـ توفى الشيخ النمربعدمعاناة من المرض والعذاب من فراق الحبيب واليوم اقولكم اقوى مرثيه للشيخ نمر الله يرحمه


......................... ......................... ......................... ......................... ............




البارحه يوم الخلايق نـــياما****** بيحت من كثرالبكا كل مكنون


قمت أتوجدله وانثــــرعلاما****** من موق عيني دمعهاكان مخزون


ولي ونة ٍ من سمعهامايناما******كني صويب ٍ بين الأضلاع مطعـون


ولاكما ونــة كثــــيرالسلاما ******خلوه ربعـــه للمعــادين مديون


ولافي ونة راعي بيت حماما ******غادي ٍ ذكرها والقوانيص يرمون


تسمعلهابين الجــرايد حطاما*****ومن نوحهاتدعي المواليف يبكون


مرحوم ياللي مات شهرالصياما*****صافي الجبين بليلة العيدمدفون


حطوعليه من الخرق ثوب خاما******** وقاموعليه من الترايب يهلون


مرحوم ياللي مامشى بالملاما******* جيران بيته راح مامنه يشكون


اخذت انا وياه عشــرة اعواما******* مامثلهن في كيفة ٍ مالهالون


والله كنه ياعرب صـرف عاما****** وياحيلة الله شغل الأيام وشلون


واكبرهمومي من بزور يتاما****** لاجـيتــهم قــدام وجـهـي يبكون


وان قلت لاتبكون قالوعلاما********* نبكي ويبكي مثلنا كل محزون


قلت السبب تبكون قالوا يتاما********* قــلت اليــتيم اناوانتم تسجون


مع البزور وكـل جرح ٍ يلامـا********* الاجـــروح بخاطـري مايطيبون


قمت اتوجد عند ربع ٍ حشاما**********جوني على فرق اخليلي يعزون


قالو تزوج وانس لامــه بلاما ******وترى العذارى عن بعضهن يسلون


اخاف من غاديات الذماما ******اللي على ضيم الدهرمايساعدون


تزعل عيالي بالنهروالكلاما **********واناتجــرعني من المربصحون


والله لـولاهـالصغـاراليــتاما *******واخاف عليهم من السكه يضيعون


لاقول كل البيض بعده حراما*****واصبركمايصبرعلى الحبس مسجون


عـليـــه مني كل يوم سـلاما********عدة حجيج البيت واللي يطوفون


وعــداد مــانبة نفل والختاما*********على النبي ياللي حضرتوتصلون
......................... ......................... ......................... ......................... ................


قصيده مؤثره..محزنه ...قيل إن نمرقبل وفاته بكم شهركان جالس يون ويبكي على وضحى..وجاه ولده عقاب وقال يابوي انت وش يبكيك؟؟..قال نمر امك امك امك............
قال يابوي امي ريحتهاغنم(يبغاه ينسى)


قال الشيخ نمر..هذا بلى ابوك ياعقاب
ومن هنا صار المثل المشهور


** ** ** ** **


كلو كوووووم ولا تقطعينا كوووم يا دلوعة تراك أخر وحده باقية من الدلاديع اللي كانوا هنا


خلينا نشوفك اتشاووووو

K2A2K2A
10-09-2007, 01:22 PM
هذي لك يا دلوعه اهداء الاغنيه كامله ودق عود
http://upload.9q9q.net/file/uTt0XW06Z10/-------.ra.html-Accounting.html


وهذي اغنية الدعايه اللي تجي على قناة mbc
http://upload.9q9q.net/file/gFfTQPAE91Z/albarah.mp3.html-Accounting.html

دلوعة ماما وبابا
12-09-2007, 04:11 PM
وااااااااااااااي
شكرا شكرا شكرا
اخوي كاكا وااااايد
شكرا وبعنف بعد بس لا تتعور
تحياتي,,,,

دلوعة ماما وبابا
12-09-2007, 04:12 PM
زيرووووكس
هههههههههههههههههه
لازم تضحكني
الله يقطع بليسك
لا ان شاء الله ما اقطع منتداي بس بين فترة وفترة بطل عليكم موب ناسيتكم
ومشكوووووور
تحياتي,,,,

اسيرة الاشواق
12-09-2007, 04:43 PM
البآرحـه يوم الخلايق نياما ،، بيحت من كثـر البكا كل كنون ..

مشكووووووووورين وماقصرتوا كآكآ وزيروكس يعطيكم العافيه ،،

وتساهلين اختي دلوعه // اسيرة الاشواق ..

دلوعة ماما وبابا
12-09-2007, 08:12 PM
ثنكيو اسيرة الاشواق
تحياتي,,,,

K2A2K2A
13-09-2007, 10:19 AM
اذا ماجبنا لدلوعة امه وابوه ودلوعة المنتدى
نجيب لمين

دلوعة ماما وبابا
13-09-2007, 02:22 PM
تسلم خيو كاكا
تحياتي,,,

ملتاعة القصيم
21-09-2007, 05:11 AM
معاد فيه احد يحب حب نمر بن عدوان لوضحى

Code Red
21-09-2007, 01:47 PM
يخسي بن عدوان

هذي قصيدة شاعر سعودي وغناها بشير حمد شنان

K2A2K2A
22-09-2007, 01:05 AM
وش دليلك ان نمر مب هو اللي قال القصيده

القاك
30-09-2007, 12:37 AM
يعطيكم الف عافيه عـ الاغنيه روعه