PDA

عرض كامل الموضوع : انتبهوا...أصحاب محلات الجوال يرجعون الصور حتى بعد المسح



فتون
24-05-2004, 11:52 AM
الكاميرا انتبهوا...
انتبهوا...أصحاب محلات الجوال يرجعون الصور حتى بعد المسح

لأن الموضوع جداً خطير 0

وإليكم هذا الموضوع:

كل الي معاهم جوالات بكاميرا ... ومصور فيها اهله او خواته او بناته .... او البنات
الي يصورون بعضهم بجوال الكاميرا خاصة في المناسبات العائلية الصغيرة يعني اقارب
عيال عم او غيره .. وبعده يمسحون الصور من الجوال .. ترا ما تنمسح نهائيا !!!
وفعـــــــــــــــــــــــــــــــــــــلا هذا الي صار معاي .. انا معي جوال نوكيا 6600

وفجئه اشوف شاشة الجوال والقى كلام بالانجليزي وفيه كلمة(ERROR )يعني
بالعربي خربان .. فقلت اروح لمحل زميلي عنده محل جوال في مجمع كبير ... وقلتله
يافلان وش السالفة قال جوالك يبغاله اعادة تهيئه يعني سفت وير من جديد يعني بيحملي
اصدار الباندا من جديد ... قلتله الله يخليك الا الارقام ما حفضتها لا بذاكره ولا
غيره .. فقالي لا يهمك احاول اسحبها لك ...المهم حط جوالي بتوصيلات عنده موصله
بجهاز الكمبيوتر .. وبعد نصف ساعه حملي اصدار الباندا الجديد وقالي خذ رجعت لك
الارقام ما خليتها تروح مع التهيئة .. وحمدت ربي .. لكن تفاجأت لمن رحت للقائمة
ورحت للاستديو .... حصلت الصور الي انا مصور به عيال اختي في البر العيد الماضي
والله صور كثيرة فوق الاربعين صورة .. وانا كنت ما سحها من زمان ولا بقيت ولا صورة
بالجهاز .... اندهشت وقلت له هذي الصور انا ما سحها قال ايه مو قلت لك ما ني مخلي
ارقامك تروح قلت له .. الحمدلله ارقامي رجعت بس معقولة الصور ترجع ... قال لي ايه
ترجع .. وقالي ياعمي شوف هالمحلات كلهم يحترون بس بنت تجي ومعها
جوال الباندا او اي جوال بكاميرا وتبغى له صيانة ينبسطون يقولي والله فلان الي بعد
المحل الي جنبنا لاقي صور بجوال وحده له ولخواتها اظهار كلهم حلوين ويشبهون بعض ..
ويقول ومصوره نفسه وهي لابسة كذا لبس ..... قلت والله المسكينه الحين بتنتشر صورتها
وصورة خواتها بالنت لو نشرها صاحب المحل ....... وقالي غيرهم كثير...........
____________________

فانـــــــــــــــــا اقول نصيحة لكل واحدعنده جوال بكاميرا لا تصور احد من اهلك
بالكاميرا نهائي ولو على سبيل الضحك او اختك تبي تشوف وشلون بيطلع شكلها بالصورة
وتروح تصورها تــــــــــــــــــــرا فيه ناس ما تخاف الله ........ فنصيحتي اذا
بتصور لا تصور الا اطفال اطفـــــــــــــــــــــــــــــــــــــــــا ل وبس





تحياتى فتون

الحـــافية
25-05-2004, 09:22 PM
صدق هذا الزفت بلوه

والود ودي اكسر تلفون اختي لاني مصوره القطاو

وما ودي احد يشوفهم>> هذيل القطاو

فما بالكم لو وحده متصوره ولا مصوره حد من خواتها في سبيل الدعابه...!!

شي ثاني

سمعت خبر عن وحده تطلقت و السبب ان تم تصويرها يوم عرسها من قبل وحده مجهوله.. وتم التلاعب بالصور و نشرها في النت

والله اخوي دووم يحذرني من اني اخلي احد يصورني.. ويقولي لو احد صورج قوليلي والا ما بتقدرين تتصرفين اذا فات الفوت

اعترف ان وايدين صوروني من صديقاتي.. وصوري في موبايلاتهم و كمبيوتراتهم

لكن.. ان كنت اضمنهم اليوم.. فمن بيضمنلي ياهم مستقبلا؟!!

ونصيحه

اللي عندها تلفون بو كيمره و مصوره اي بنت فيه..

تخليه مب مشكله

لكن اذا اخترب او حبت تصلحه

لا تفكر تبيعه او تروح تصلحه

من الافضل تكسره ولا ان حد يستبيح اللي فيه

والصور اللي موجوده.. في ذمة كل من صور

لا تحطون في ذمتكم مسؤوليه انتوا مب قدها

تسلمين الغاليه على الموضوع

و ينقل لمنتدى الجوالات و الاتصالات



الحافية

اللورد
25-05-2004, 09:28 PM
مشكــــــــــــورة أخــتي فــتون على المــوضوع ، وللتحـــذير !!

مممم!!

الـواحــد يحــاول يتعلم هــذه الحـــركاااااااات <<<<<<<<هههههههههههههه!!

تحـــــــياتي،،

هبوب الشمال
26-05-2004, 12:36 AM
هلا أخت فتون وين الناس

ومشكورة على التنبية

الحمد لله ماعندى الا هاتف هندل يدوي**

فتون
27-05-2004, 11:19 AM
اشكر مروركم الكريم واتمناء من الله انه يستر علا الجميع تحياتى فتون

اللورد
28-05-2004, 11:01 PM
ســـــــــــــــلااااااااام علجــدعأأن اللي هـــنا!!

شــــوفوا ياصبيان وياصــبايا!!

فــي حــل لهــذه المشكــلة بدون اللجــؤ إلى إستخــدام العــنف ضــد المــوبايل!!


طبعا يتم استعادة الملفات المحذوفة في اي جهاز كمبيوتر او هارد ديسك خارجي
مثل مانتوا عارفين في اجهزة الحاسب الالي سواء البي سي او اللاب توب
طبعا هذي اخطر من جهاز الجوال لانها ممكن تكون ملفات اكثر واهم من اللي
في الموبايل

عموما ما اطول عليكم انا جبت لكم طريقتين تفيدكم من ناحية عدم الخوف
من الصور اللي صورتوها في جوالاتكم

الطريقة الاولى

اذا كنت استخدمت التصوير وحفظت الصور على الميموري كارد
ومتاكد انك ماحفظت ولا صورة على ذاكرة الجهاز فانت الحين
ماعندك مشاكل وكل اسرارك في الميموري كارد واذا جيت تسوي
صيانة على جوالك خلي الميموري كارد معك ولا راح يصير شئ

الطريقة الثانية

اذا كنت استخدمت التصوير وحفظت الصور على ذاكرة الجهاز
هنا المشكله فلازم تستخدم برنامج اسمه
SELEQ

وهنــا رابط البرنامج
(http://www.ksayes.com/store/FixSeleQ.zip)

وطريقة حذف الصور المحذوفة من ذاكرة الجهاز باتباع الخطوات التالية
طبعا افتح البرنامج في نفس الجهاز واتبع الخطوات التالية
C/Nokia/Images/_PAlbTN
وتطلع لك ملفات الصور اذا حبيت تشوف الصور قبل تحذفها
تروح لاي ملف من الملفات اللي طلعت لك وتضغط ( اوبشن ) بعدين ( فايل ) ثم ( فيو ) وبس

وان شاالله اني ماطولت عليكم وان كاني طولت عليكم فهذا لحرصي عليكم وعلى اسراركم

وفي أمان الله وبالتوفيق وتذكروا دايم الاحتياط واجب

______________________
المــوضوع على هــذا الرابط (http://www.yabdoo.com/board/showthread.php?p=52301#55077)

__________
تحـــياتي،،

عناد الجرح
28-05-2004, 11:20 PM
الللله يجزاك الف خير اخوي
على تنبيهك لنا ويجعله ربي في موازين حسناتك





سووووووون
ههههههههههههه
جوال ابو هندل




اللورد
يعطيك ربي الف عافيه على مجهودك
الرائع



ودمتم بخير

اللورد
28-05-2004, 11:24 PM
مممم!!

أخــوي عناد الجرح !!

ترى فتون بنت مو ولد !!

تحــياتي،،

فتون
29-05-2004, 12:16 PM
الصراحه محد فهمنى غيرك يا اللورد وعناد الجرح مشكور علا مرورك الكريم

عناد الجرح
11-06-2004, 11:21 PM
اللورد
خخخخخخخخخخخخخخ

والله شكلك بس تبي تزيد عدد مشاركاتك


فتون
انا اسف
لكن كلمه اخوي او اختي ماتجرح ابد
وكلها تصب في نهر الاخوه

hussain
13-06-2004, 03:38 PM
شكرا يا فتون على هذا التحذير تحذير مهم

تحياتي :حسين

اللورد
13-06-2004, 07:23 PM
ممممم!!!؟؟؟؟؟!!!!!؟؟؟؟
ممممم!!!؟؟؟؟؟!!!!!؟؟؟؟
ممممم!!!؟؟؟؟؟!!!!!؟؟؟؟
ممممم!!!؟؟؟؟؟!!!!!؟؟؟؟

كيف يعني أبي أزيد عدد مشاركاتي :lol: !!

توووووووووششششكـــاااااااررررررر يااااا عناااااد الجررررح :wink: !!

بس أحب أقول شئ !!

أنا راح أزيد مشاركاتي ، بس أعرف وين أزيدها ، وبأيش :wink: !!

تحياتي،،