PDA

عرض كامل الموضوع : قصيده ام لولدها وهي في دار العجزه !!!!!؟؟



سما الجنزوري
14-10-2007, 01:26 PM
قصيده ام لولدها وهي في دار العجزه !!!!!؟؟





السلام عليكم ورحمة الله وبركاته
عندي قصيده واايد مؤثره وحبيت انقله لكم نسأل الله العافيه ......

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك . . والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف من تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

الله يهدي شبابنا ويصلحهم انشالله 0

شايفه وساكته
14-10-2007, 03:28 PM
الله يخزيه :mad:

ما احترم سنها المسكينة:(

سهيل
14-10-2007, 04:08 PM
قصيدة محزنة كثثثثثير الله أدعوأن يجيرني وإياكم من العقوق

شكراً كثيراً لكاتب الموضوع

إن شاء الله تكتب هكذا وليست ( انشالله )

شمس المحبة
14-10-2007, 04:18 PM
نداء للنساء
اذا كنت تحبين زوجك فاحبي امه واحترميها

شكرا لك اخت سما
وتقبلي فائق احترامي وتقديري

سما الجنزوري
03-11-2007, 01:25 PM
مشكورة رنين
مشكور اخي العزيز شمس المحبة
ومشكور اخي الكريم سهيل

نقــاء
04-11-2007, 10:46 AM
....


[سمــــا]....!


مُحــزنٌ أن يوجدَ في هذه الدنياَ من يتنكّـر لأمــه...!

تلكَ التي ربّتهُ صغيرًا ... وأعطتهُ من حنانهاَ دونَ مقابــلْ...!


تلكَ التي إن خيروهاَ بينَ الدنياَ و"ولدهــا" لاختارت الثاني دونَ تردّد...!


/


مُحزنٌ.. ومُخــزي....!


!!





لقلبــك وردة...!



http://www.yabdoo.com/users/5862/gallery/1913_p75555.gif

سما الجنزوري
04-11-2007, 04:45 PM
....


[سمــــا]....!


مُحــزنٌ أن يوجدَ في هذه الدنياَ من يتنكّـر لأمــه...!

تلكَ التي ربّتهُ صغيرًا ... وأعطتهُ من حنانهاَ دونَ مقابــلْ...!


تلكَ التي إن خيروهاَ بينَ الدنياَ و"ولدهــا" لاختارت الثاني دونَ تردّد...!


/


مُحزنٌ.. ومُخــزي....!


!!





لقلبــك وردة...!



http://www.yabdoo.com/users/5862/gallery/1913_p75555.gif



مشكورة قلبي وحبيبتي نقاء

فعلا من ابشع الاشياء بالدنيا واللي نعتبرها جريمة
ان الانسان ينكر فضل امه الكبير عليه مهما فعلت من سلبيات

ومشكورة يا عيوني