PDA

عرض كامل الموضوع : عشرين عام..........منEverYours



EverYours
09-11-2007, 07:06 PM
ماعاد باقي في حياتي طموحات=وصلت بطموحي لذروة شقاها

اتعبت روحي في دروب ومسافات=ولا لقيت الا الشقى من وراها

عشرين عام وقصة العمر مأساة=قصة عذاب وشتتني معاها

حتى القلوب اللي من اول قريبات=راحت ولا شافت بعيني غلاها

كنت اعطي بقلبي ولا اقول ابد هات=يوم اقرب الناس اظهرت لي جفاها

محدن ذكرني غير دمعي والاهات=ولحدن عزا روحي ولحدن بكاها

اشرب مرار ولاشكيت المعاناة=ارجي سراب وشقوتي من رجاها

لا ربع لا خلان ما غير دمعات= ماكن بالدنيا سواي وسواها

الله على ضيم الدهر والخيانات=كيف البشر ضاعت معاني وفاها

كيف الجزا للطيب يصبح مجافاة=وكيف العيون السود تعشق قذاها

ماجيت ادور عطف والا مروفات=ما غير قصة عمر تحكي عناها

هذي حياتي قاربت للنهايات=ولحدن عزا روحي ولحدن بكاها

الورود
09-11-2007, 07:55 PM
صح لسااانك وإعتلاااا شانك .. ابيات تستحق الاشادة

وعطاء مميز نتوق اليه فلا تحرمنا منه

Bin Mohayya
10-11-2007, 10:23 AM
ماجيت ادور عطف والا مروفـات
ما غير قصة عمر تحكـي عناهـا

هـذي حياتـي قاربـت للنهايـات
ولحدن عزا روحي ولحدن بكاهـا


سلامة روحك من الشر ومن كثرة الآهات

وصح لسانك على هذه الرائعة

اللتي تحاكي بها قصة عمرك

كتبت فأبدعت

وفقك الله

ولا تحرمنا

من مثل هذه الروائع.

نقــاء
10-11-2007, 11:42 AM
! [ EverYours ] !


!!


كثيرًا ما أستغرب في أمر ..

"مالسبب الذي يجعل الصديق/ الرفيق/ الحبيب يتنكر للمحبــة / الوفاء / العطاء؟


!!


ما أسهلَ الخيانة حينَ يلعبهاَ قلبٌ بلا "ضمير"...!


!


حرفكَ يكتبُ بصدقٍ يجعلُ كل من يقرأهُ منساقًا معه ...!


!


لقلبكَ قبلَ المضيّ.. وردة...:



http://www.yabdoo.com/users/5862/gallery/1913_p75555.gif

EverYours
10-11-2007, 12:20 PM
شكرا لك اختي الورود والله لا يهينك

ولك الشكر اخوي ابن محياء وتسلم يالغالي على مرورك واهتمامك

ولك نقاء كل الاحترام والتقدير على مرورك العاطر


تحياتي لكم