PDA

عرض كامل الموضوع : عجوزة يخاف منها ابليس



البحر الكبير
14-06-2004, 05:58 PM
السلام عليكم.. يحكى انه كان يا ما كان في قديم الزمان ………كان فيه أمراة عجوز قاعدة بروحها
وفجأة طلع لها ابليس ………(لقافه ….يبي يتحرش ) العجوز خافت وسمت بالرحمن …قالها
ابليس أنتي يا عجوز هل تعتبرين نفسك داهيه؟؟؟؟
العجوز نعم أنا داهيه ……….. والحريم عموما كيدهم عظيم
أبليس أنا أتحداك ……..وبنشوف مين فينا كيده أعظم …..المرأة ولا أبليس
العجوز خلاص أنا بسوي مشكله وأنت راح تحلها واذا ما قدرت أنا راح أحلها ..وراح
أفوز برهان
أبليسk
راحت العجوز لواحد من هالبطاليه اللي ما عندهم شغل
وقالت أنا بشغلك عندي فترة معينه بس……. اذا تبي فلوس لا تتدخل ولا تتكلم .
(وافق الشاب لأنه طفش من البطاله ويبي فلوس ).
راحت العجوز ومعاها الشاب لمحل قماش وقالت له أنطرني عند باب المحل …دخلت المحل
وخذت قماش غالي وراحت تكاسر تاجر القماش
العجوز رخص يا بن الحلال …
التاجر اذا أنتي ما عندك فلوس أخذي شيء أرخص
العجوز ما أقدر ….لازم ولا يصير شيء ما صار
التاجر ليش حجيه …..لهالدرجه …..شنو السالفة ؟؟
العجوزشفت الشاب اللي واقف عند باب المحل ..هذا ولدي ..يحب له وحدهمتزوجه وهي
تحبه ولما تتطلق من زوجها …ولدي بيتزوجها
وهو قالي أن عارضتي الزواج بأطردك من البيت وأمرني أني أشتري قماش
غالي عشان يعطيها حبيبته ولا راح يطردني من البيت مع أن البيت بالأساس بيتي
ولكني غلطت وكتبته بأسمه(العجوز تبكي)
التاجر خلاص هونيها وتهون والله كسرتي خاطري ….خلاص أنا بأعطيك القماش ببلاش….وعسى الله يؤجرني
العجوز طلعت مستانسه وقالت حق الشاب روح البيت
بعدها راحت العجوز لبيت زوجة تاجر القماش وطقت الباب وطلعت الزوجة
العجوزآه بابنيتي أنا تعبت بالطريق و ما أقدر أكمل ممكن أقعد عندك خمس دقايق ارتاح .
رحبت الزوجة ودخلتها وأكرمتها وجابتلها استكانة شاي
العجوزمشكوووووورة ما تقصرين ان شاء الله أردها لك (تعمدت تنسى القماش )
وطلعت.
الزوجةحرام نست قطعة القماش …أكيد بترد بعد شوي وتاخذها
بروح أحطها بالدولاب.
تاجر القماش رد لبيته وتغدى ذاك الغدا السنع ونام شوي .قام العصر وفتح الولاب
بغير ملابسه عشان يروح محله ……مفاجأة قطعة القماش!!
وعرف أن المرأة اللي يبيها ولد العجوز هي زوجته يعني تخونه
قام عليها وطقها وطردها بالشارع بالهدوم اللي عليها.
العجوز كانت تنتظر هاللحظه في أخر الشارع فراحت لها تركض
العجوز وش فيك يا بنيتي ليش تبكين؟؟؟
الزوجه زوجي طردني …وما عطاني فرصه أتكلم .
العجوز خلاص أنا بأوديك بيتي وأنا بروح أحل المشكله
راحت العجوز لبيتها ودخلت الزوجه في غرفة بينما الشاب كان في غرفه ثانيه وأمرته
أنه ما يطلع منها .
راحت العجوز للشرطه تبكي وتقول كنت قاعدة في بيتي وفجأة دخل
رجل ومعه مرأة وقعدوا ببيتي حاولت أطلعهم ما قدرت (أحتلوا بيتي)
ذهبت الشرطه وقبضت على الشاب والزوجه ….ووضعوهم بالسجن.
العجوز ها ها وش رايك يا أبليس ؟؟ دورك اللحين حل المشكله
أبليس لا لا ما أقدر أحلها السالفه تشربكت وااايد
العجوز أنا راح أحلها وكأن شيء لم يكن . وراح أربح الرهان
راحت العجوز تزور الزوجه بالسجن وقالت لها أنتي ساعدتي مرة
وأنا اللحين بأساعدك …..يلا ألبسي عباتي وغطي نفسك وأطلعي من السجن كأنك أنا
وأنا بأقعد مكانك.
الزوجةمشكووورة ….لكن أنتي ؟؟؟
العجوز مالك شغل مثل ما طلعتك بطلع نفسي.
تمت عملية الهروب بنجاح….
الوالي أمر الحراس يحضرون المسجونين عشان يحكم عليهم
حضرت العجوز والشاب وقال لهم الوالي ليش قابضين عليكم شنو مسوين؟؟
ردت العجوزاحنا ما سوينا شيء كنا قاعدين ببيتنا أنا وولدي ولا الشرطه
طابه علينا وماخذينا السجن .
عصب الوالي وهزأ الشرطه وما عطاهم فرصه يتكلمون ويقولغلطانين وتبون تتكلمون
شين و بقوة عين
طلعت العجوز وهي مستانسه وعطت الشاب فلوس وأنهت خدمته عندها.
راحت العجوز لتاجر القماش وقالت له أنها تعبت بالطريق وأن زوجته أصيله
وأكرمتها وهي من كثر التعب نست القماش عندها وأن زوجته بريئه
وقالت خذ قماشتك لأن ولدي سافر هو و زوجته الجديدة.
رجع التاجر زوجته وتأسف منها و راضاها بعد.
العجوز وش رايك يا أبليس أنا فككت السالفه سهله
أبليس أنتي ربحتي ….يما………يما أن كيدهن عظيم (إنحاش وهو خايف)

هبوب الشمال
14-06-2004, 11:58 PM
والله العجووووز الداهية

الله يكفينا العجز وهن النفاثات بالعقد

وابليس بعد

مشكورة البحر على القصة

البحر الكبير
15-06-2004, 03:19 PM
يبي كل واحد من اليوم ايخاف من العجائز

الورود
25-06-2004, 10:44 AM
بسم الله الرحمن الرحيم



قصة جميلة فيها حكم عظيمة ،،،،، فالعجوز حكيمة وتملك تفكير جميل


كانها اعمالنا تمر امامنا ،،،،،فنحن نستطيع غلبة الشيطان في اعمال الخير


وعدم ايذاء الغير ،،،،،،

رااائعه اختي البحر بما قدمتي لنا من سرد قصة في قمة الروعة

تحياااتي الوروووووووووووووووووود

البحر الكبير
25-06-2004, 12:02 PM
هلا وروديي
مشكورة على اطلاعك على الموضوع