PDA

عرض كامل الموضوع : قال ايش ..!! قال حقوق المرأة **تنبيه المقال مكتوب باللهجه المكاويه**



Mr.Man
06-12-2007, 10:43 AM
ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟ بعد 11 سبتمبر ... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟
يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه.
طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون
أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ..وقدامه وحده في الشهر التاسع واقفه على رجولها وشايله طفل تاني على كتفها ... إن الشحط يتحرك؟ .. أبدا...إن الثور يحس؟ ....لايمكن. لكن هل يمكن يحصل هادا في السعودية؟ أبدا .. واللي يبغى يجرب ... الطريق قدامو .... يا عمي العملية كلها دلع حريم في دلع حريم .. رايح أعطيكم بعض الأمثلة وقولوا لي مين اللي آخِد حقُّو بالكامل وزياده؟ وهل عندنا المرأة متساوية مع الرجل .. والا هي أحسن مِنُّو؟

قال حقوق المرأة .. قال


منظر عام

رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي واقفين من ساعات .. وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني... وخمسين سعودي... واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال ... خليني في الطابور ... زَيِّي زيكم؟! ... ليش ما تقول كده؟! ... والا هي تماحيك وبَس! ونفس المنظر في الجوازات .. والأحوال .. والتأمينات .. ويقدر أحد ... يقول إنه من ظهر أبوه ... يفتح فمُّه؟ ... على طول يسمع العبارة الشهيرة .. ( عيب عليك .. إنت ما تستحي؟ .. هذه حرمة...إنت ما عندك أهل!)) ..ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟

قال حقوق المرأة ... هه!


اقتصاديا

شوف الراجل... السبع... الغضنفر... المفتري...له ثوبين أو ثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ. والمرأة بسلامتها .. بقيمة أدوات مكياجها فقط... تقدر تفتح محل خياطة رجالي محترم. ويا ريت تحط من مكياجها في البيت .. لأ. دا بَس للخروج ... وقيمة صباع روج والا علبة بودره تساوي قيمة جوال جوزها ... وكمان ازيدك من الشعر قصر .. مو بيت ... من حقوقها فستان لكل فرح... و مكياج... و كوفيرة...وجزمة ...وشنطه. وكمان خُدوا هادي .. سابع بنت عمي ... ملكة أخت جارتنا .. ولازم هديه ... واللطخ يدفع .... مو مهم الفلوس جات من فين ... المهم يدفع ... والدنيا ممكن تنقلب على الراجل واللي خَلَّفوه علشان موضوع (مهم وحيوي) زي كده ...

قال إيه! حقوق المرأة.


نفسيا

الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين. ويعني إيه عنده مشاكل في العمل؟! والا أقساط متأخره؟! والا فواتير؟! والا مقاضي ما يعرف كيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس .. كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد)) ... والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره .. جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... ... ... ومع هادا كُّلو ..لازم يبقى رومانسي.
بينما هي وبكل سهولة تصحى بسلامتها في الضُّهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ..أبو خالد موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟... المهم .. جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.
وفوق هذا كله آخر السنه: طفشانه ...فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا... يا عيني علينا إللي ما نروح غير يا مصر .. يا سوريا ... والسنة اللي غيَّرنا فيها .. رحنا ماليزيا.
وفي رمضان: تعبت ...أوف ....إنت داري عن حاجه؟ أنا أبغى خدامة... أنا خلااااااااص .. ومن ثالث يوم رمضان ...مقاضي العيد من جده ...أختي جابت ملابس لها ولعيالها .. إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟

قال إيه؟ .. حقوق المرأة.


شرعا

المرأة لها حظ من أبوها .. وحظ من زوجها .. هادا غير أمها .. وأخوانها .. وأبناءها .. والراجل مطالب إنو هو اللي يصرف عليها مهما كان عندها فلوس.
وثانيا: الرجال لازم يروحوا للمسجد خمس مرات في اليوم .. جمع وجماعات .. حر وبرد .. ليل وصبح .. لازم يروحوا ... بينما الست تصلي تحت المكيف .. في غرفتها .. وأجرها زي الرجال تماما ... ياعيني .. يا عيني .. والله الإسلام أعطاكم كتير ... وياريتو يِبان فيكم.

قال حقوق المرأة .. قال


إجتماعيا

الست كل أسبوع تخرج عند صاحباتها وما ترجع إلا متأخره .. وطبعا جوزها هو اللي يوديها ويجيبها .. (يعني تبغاني أروح مع السواق في هادا الليل؟!) .. وسعادتها ما تبدأ تتمكيج وتسرح شعرها إلا بعد العِشا .. وكل شويه تقول :خلَّصت .. وهي ما سوت شي لِسَّه .. والراجل الغلبان جالس على أعصابو يستنيها تخلص .. أخيرا تقول لُو: وي! إنت ما نزلت السياره؟ .. وَي .. هيا عشان لا نتأخر. المسكين يجري في الدرج (عشان ما يأخرها) .. ويشغل السياره .. ويستَنِّي بسلامتها مو أقل من ربع ساعة حتى تشَرِّف .. وطبعا ممنوع يقول لها: (إيش أخَّرِك؟) والا يا ويلو .. وبعد ما يوصلها .. يستحيل يغتنم الفرصه ويروح هوَّ كمان لأصحابو إلين هي تخلص سهرتها .. (وَه! كيف تروح؟! ومين يقعد مع البزوره؟) .. والماكياج اللي حطتو للستات يتمسح نصو من الطريق .. والباقي بعد ما توصل البيت .. يعني الرجَّال ما يلحق يشوف مِنُّو شي.
وإذا بعد شهر أو شهر ونص جات لو عزيمه في زواج ... أو فكر يخرج ليله مع أصحابو .. وبلَّغها من بدري عشان ما ترتبط بموعد مع صاحباتها في نفس الليله وتخرب عليه .. (هو إنت ما تعرف تِقِر في البيت؟ كل ليله معزوم؟ شوفي يختي الراجل .. ما كإنُّو عندو بيت ولا بزوره)




لكن مع دا كُلُّو .. برضهم الستات أحيانا نحس إنهم غلبانين .. يمكن عشان قلبنا طيب


منقول

شمس المحبة
06-12-2007, 11:00 AM
الذي استغربه في موضوع حقوق المرأة ورواج هذه الفكرة بديار الاسلام رغم انها مظلومة بكثير من بلدان العالم وحتى امريكيا فان المرأة لا تحترم بالقدر الذي نحسه من دعاياتهم وافلامهم فحقيقة الوضع ان المجتمع الامريكي لا يحترم المرأة بشكل سافر فهم يحترمون الرجل ويقدمونه في الطوابير وعندما يظهر رجل لابس بدلة في اي مكان فانهم يقدمونه على المرأة في كل الامور .

سؤال نسأله انفسنا " هل نظلم المرأة ؟ " الجواب نعم لدينا اخطاء كثيرة ويجب علينا ان نحلها لنصبح في مقدمة الدول التي تعطي حقوقا للمرأة .

وتقبل فائق احترامي وتقديري

Mr.Man
08-12-2007, 01:32 PM
الذي استغربه في موضوع حقوق المرأة ورواج هذه الفكرة بديار الاسلام رغم انها مظلومة بكثير من بلدان العالم وحتى امريكيا فان المرأة لا تحترم بالقدر الذي نحسه من دعاياتهم وافلامهم فحقيقة الوضع ان المجتمع الامريكي لا يحترم المرأة بشكل سافر فهم يحترمون الرجل ويقدمونه في الطوابير وعندما يظهر رجل لابس بدلة في اي مكان فانهم يقدمونه على المرأة في كل الامور .

سؤال نسأله انفسنا " هل نظلم المرأة ؟ " الجواب نعم لدينا اخطاء كثيرة ويجب علينا ان نحلها لنصبح في مقدمة الدول التي تعطي حقوقا للمرأة .

وتقبل فائق احترامي وتقديري


الإسلام قد حفظ للمرأة كرامتها والواجب على المرأة معرفة حقوقها قبل الدخول في أي نقاشات او مطالبات بحقوق

يعطيك العافيه اخوي شمس

miss cute
08-12-2007, 02:18 PM
مستر مان انت اصلا كاتب المووضووع وداخل على كرره ...هههههههههههههه

ليه ليه كيذا على المراءه بشويش اكلتها بقشورها <= مو قصدي اهانه

بس كل انسان يدور عن حقه وحتى لو اخذ حقوقه كامله تطلعله حقوق ناقصه ويطالب بها

* وبالنسبه لطابور البنك لاتكبر السالفه ماسمعت في الافلام يقولك . ليديز فيرست

وبعدين ايش فيها اللهجه المكاويه <= بصراحه اقرا الموضوع باللهجه المكاوويه ومنسدحه ضحك

Mr.Man
08-12-2007, 02:23 PM
مستر مان انت اصلا كاتب المووضووع وداخل على كرره ...هههههههههههههه

ليه ليه كيذا على المراءه بشويش اكلتها بقشورها <= مو قصدي اهانه

بس كل انسان يدور عن حقه وحتى لو اخذ حقوقه كامله تطلعله حقوق ناقصه ويطالب بها

* وبالنسبه لطابور البنك لاتكبر السالفه ماسمعت في الافلام يقولك . ليديز فيرست

وبعدين ايش فيها اللهجه المكاويه <= بصراحه اقرا الموضوع باللهجه المكاوويه ومنسدحه ضحك


ايش بك انتي داخله فيا

مهوب انا الي كاتبه وبعدين مو مره اتقن اللهجه المكاويه لهدرجه

باين انك ماقريتي السطر الأخير

يعطيك العافيه عالمرور اختي

نــــوره
08-12-2007, 02:34 PM
ههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههه
موضع جمييييل جداً
دائماً يعجبني النقد الساخر :)
سلمت يداك على هذا النقل الرائع يامستر مان

miss cute
08-12-2007, 02:34 PM
انا اسفه تقبل اعتذااري ماتوقعتك بتعصب ؟؟؟ وانا ماكان قصدي

وانا عارفه ان المووضوع منقوول

Mr.Man
08-12-2007, 02:36 PM
انا اسفه تقبل اعتذااري ماتوقعتك بتعصب ؟؟؟ وانا ماكان قصدي

وانا عارفه ان المووضوع منقوول


لا عادي اختي ماعصبت بس حبيت اوضح لك الصحيح


يعطيك العافيه ميس كيوت

miss cute
08-12-2007, 02:36 PM
انا اسفه ماكان قصدي وماتووقعتك تعصب بس حبيت اخفف من جديت الموضوع

انا اسفه مره ثانيه وتقبل اعتذاري

Mr.Man
08-12-2007, 02:48 PM
ههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههه
موضع جمييييل جداً
دائماً يعجبني النقد الساخر :)
سلمت يداك على هذا النقل الرائع يامستر مان


الله يسلمك ويعافيك اختي نوره

Mr.Man
08-12-2007, 02:49 PM
انا اسفه ماكان قصدي وماتووقعتك تعصب بس حبيت اخفف من جديت الموضوع

انا اسفه مره ثانيه وتقبل اعتذاري


ماصار الا الخير اختي

الحـــافية
08-12-2007, 03:54 PM
هالجمله منقوله برضو ولا من عندك؟


لكن مع دا كُلُّو .. برضهم الستات أحيانا نحس إنهم غلبانين .. يمكن عشان قلبنا طيب

ثانياً.. ما اورد اضافته من ناحية الصراف والطابور.. البنت المفروض توقف لين يجي دورها

لكن من المروءه ياخي انك تخلي البنت تتقدم قدامك وتخلص شغلها..

عندنا احنا (اي من عاداتنا) ان الرجل اللي ما يخلي البنت تتقدمه وتخلص شغلها.. يصير طرطور (=

بس في "البزنس".. لا اعتراف بهالشي،، كل واحد يستنى دوره سواء وحده ولا واحد ولا جنس ثالث حتى..

وفي اعتقادي.. ان المراه لازم انتوا يالشباب تقدمونها عليكم في مثل سالفة الصراف مثلاً.. عيب ترضى انها توقف تستنى في مكان كله شاب.. والله اشوفها عيب عيب بقوه

ولا شو راي ناقل الموضوع ؟

اشكرك عالنقل.. ترى الكاتب حاقد وشكله اقرع كمان :D


الحافية

ولــد جدهـ
08-12-2007, 04:18 PM
والله اخوي مو كل الحريم كده انته جالس تتكلم بنسبه 10 بالميه ولازم انراعي حقوق المراة وحقوق الرجل ومشكور اخوي على الموضوع

أم عبد العزيز
08-12-2007, 04:21 PM
أخي الكريم مسترمان انا ساتكلم بكل موضوعية عن هذا الموضوع بالذات فالنساء ضعاف الدين هم من يتكلمون عن حقوق المرأة وانهن مهمشات في مجتماعتنا العربية والاسلامية . وبخاصة في المملكة العربية السعودية ويثبت هذا الموضوع الذي اثير اخيرا لما يعرف عنها (بفتاه القطيف ) وتدخل الولايات المتحدة الاميركية والمطالبة بسقاط الحكم عنها .

أنا اقول لهذه الاصوات اخسى وارجعي الى مكانكم فانتم لستم سوى كلاب تنبح وراء قطعه لحم
فالنساء المسلمات لسنا بحاجة الى ان يكون هناك من يتحدث باسمهم

والمهم في هذا الموضوع للاسف الشديد النساء العربيات المسلمات الجدد المتمريكات والمطالبات بهذه الحقوق وهن لا يعرف ان الله سبحانه وتعالى قد كفل لهن هذه الحقوق منذ ما يقارب 14 قرنا مضت وقد اعترف الكثيرات من نساء الغرب بما كفله الاسلام للمسلمات وتمنياتهم ان يكون لهن نفس الحقوق

اسفة للاطالة اخي الغالي مسترمان فانا من اكثر ما يغضبني المناديات بحقوق المرأة والمساواة
شكرا اخي الكريم على الموضوع

عبدالغنى منصور
08-12-2007, 05:01 PM
اخى ياريتك ماكنت نقلت الموضوع
متقوليش ان المراة اخذت كل حقوقها وياسيدى احنا جربنا الرجالة فى الانتخابات السابقة النتيجة كانت ايه ؟ رد بقى بس بموضوعية

#بنت طفشانه#
09-12-2007, 01:02 AM
كنت عارفه ومتأكده ميه في الميه انو الموضوع منقول ...لانو مستر ابدا مايتقن اللهجه المكاويه ...

بس مدري ليه كاتب الموضوع داخل عرض في الحريم ....صح الحريم طالبو بحقوقهم بس في اشياء همه يبغوها ...وحاسين انهم محتاجينها ...

عالعموم في داه الشي احنا مع الحريم ...اش ماقالولهم الحكومه احنا معاهم...
وياريت يخلونا نسوووووووق

Mr.Man
15-12-2007, 09:41 AM
هالجمله منقوله برضو ولا من عندك؟

لامنقوله يالحافيه ...

ثانياً.. ما اورد اضافته من ناحية الصراف والطابور.. البنت المفروض توقف لين يجي دورها

لكن من المروءه ياخي انك تخلي البنت تتقدم قدامك وتخلص شغلها..

عندنا احنا (اي من عاداتنا) ان الرجل اللي ما يخلي البنت تتقدمه وتخلص شغلها.. يصير طرطور (=

بس في "البزنس".. لا اعتراف بهالشي،، كل واحد يستنى دوره سواء وحده ولا واحد ولا جنس ثالث حتى..

وفي اعتقادي.. ان المراه لازم انتوا يالشباب تقدمونها عليكم في مثل سالفة الصراف مثلاً.. عيب ترضى انها توقف تستنى في مكان كله شاب.. والله اشوفها عيب عيب بقوه

أنا والحمدلله دايم أقدر وضعهم لو شارع او طابور او غيره لأني أعاملهم معاملة خواتي

ولا شو راي ناقل الموضوع ؟

إسأليه

اشكرك عالنقل.. ترى الكاتب حاقد وشكله اقرع كمان :D

ههههههههههههه الله يقطع سوالفك
الحافية.

Mr.Man
15-12-2007, 09:44 AM
والله اخوي مو كل الحريم كده انته جالس تتكلم بنسبه 10 بالميه ولازم انراعي حقوق المراة وحقوق الرجل ومشكور اخوي على الموضوع


هذا الكاتب الله يحييك

الإسلام ساوى حقوقهم اما الأفكار الدخيله فنرفضها جملة وتفضيلا

يعطيك العافيه اخوي

Mr.Man
15-12-2007, 09:46 AM
أخي الكريم مسترمان انا ساتكلم بكل موضوعية عن هذا الموضوع بالذات فالنساء ضعاف الدين هم من يتكلمون عن حقوق المرأة وانهن مهمشات في مجتماعتنا العربية والاسلامية . وبخاصة في المملكة العربية السعودية ويثبت هذا الموضوع الذي اثير اخيرا لما يعرف عنها (بفتاه القطيف ) وتدخل الولايات المتحدة الاميركية والمطالبة بسقاط الحكم عنها .

أنا اقول لهذه الاصوات اخسى وارجعي الى مكانكم فانتم لستم سوى كلاب تنبح وراء قطعه لحم
فالنساء المسلمات لسنا بحاجة الى ان يكون هناك من يتحدث باسمهم

والمهم في هذا الموضوع للاسف الشديد النساء العربيات المسلمات الجدد المتمريكات والمطالبات بهذه الحقوق وهن لا يعرف ان الله سبحانه وتعالى قد كفل لهن هذه الحقوق منذ ما يقارب 14 قرنا مضت وقد اعترف الكثيرات من نساء الغرب بما كفله الاسلام للمسلمات وتمنياتهم ان يكون لهن نفس الحقوق

اسفة للاطالة اخي الغالي مسترمان فانا من اكثر ما يغضبني المناديات بحقوق المرأة والمساواة

شكرا اخي الكريم على الموضوع

كفوك يا أختي الكريمه ام عبدالعزيز

هذا الكلام الي يبرد القلب

أفضل رد

يعطيك العافيه ربي

Mr.Man
15-12-2007, 09:49 AM
اخى ياريتك ماكنت نقلت الموضوع
متقوليش ان المراة اخذت كل حقوقها وياسيدى احنا جربنا الرجالة فى الانتخابات السابقة النتيجة كانت ايه ؟ رد بقى بس بموضوعية


أخي الكريم إذا ماعجبك الموضوع لاترد عليه

والشي الآخر اعتراضك على ان المرأة أخذت حقوقها فأقول لك هذا من وجهة نظرك واعتقادك

لأن الإسلام كما تفضلت أم عبدالعزيز قد كفل وحدد جميع حقوق المرأة وإن كان غير ذلك فهو من تغيير الإنسان

يعطيك العافيه اخوي

Mr.Man
15-12-2007, 09:51 AM
كنت عارفه ومتأكده ميه في الميه انو الموضوع منقول ...لانو مستر ابدا مايتقن اللهجه المكاويه ...



بس مدري ليه كاتب الموضوع داخل عرض في الحريم ....صح الحريم طالبو بحقوقهم بس في اشياء همه يبغوها ...وحاسين انهم محتاجينها ...


عالعموم في داه الشي احنا مع الحريم ...اش ماقالولهم الحكومه احنا معاهم...

وياريت يخلونا نسوووووووق



انا في نظري بالنسبة لموضوع السواقه هو سلاح ذو حدين والأستر على المرأة أن تلزم بيتها وإذا تبون تسوقون ماعندنا مانع بس لاتنسون انه هناك عواقب

يعطيك العافيه طفشانه

لـمــســـــــــــات
17-12-2007, 10:44 AM
صراحه المرأة متنعمة هنا عندنا في السعودية يكفي إنها جالسة بالبيت وكل طلباتها مجابة من زوجها أو

أبوها أو أخوها يعني مافي شي من حقوقها ضايع أنا مرة رحت أجيب بناتي من المدرسة والله حزنت على

المعاناه إلي بيشوفها أبوهم كل يوم زحمة وحر ورغم هذا كله عنده صبر ويرجع البيت مبتسم

عموما أي وحدة تقول حقوقها ضايعة تجرب تكون مكان الرجال يوم واحد بس وراح تعرف إنها

في نعمة يحسدها عليها الأمريكيات إلي بيتعلمو منهم كلمة حقوق المرأة

موضوع رائع مستر يعطيك العافية على هذا الطرح المميز :)

مريومة-2
17-12-2007, 12:38 PM
استاذ الفاضل نقلك للموضوع يعني انك مقتنع تماما بما جاء فية لذلك عليك بالرد وعدم تبرير ذلك انه منقول



ما يرفع ضغطي شَي زَي كلمة حقوق المرأة


المراءة المتعلمة هي التي تدرك ان لاسلام اعطاها حقوقها وصانها فلا تحتاج ان ترفع راية المطالبة بذلك


.. وبالذات في السعودية

لماذا هذا لاستصغار في حق المراة السعودية



كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟
يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه.


لماذا حصر الكاتب دائرة اهتمامات المرءاة بزيارت وكأنه هي همها لأكبر ولم يعد لها دورا في هذة الحياة سوى التنقل من منزل الى اخر اين المرءاة المربية والعاملة ..........لم يعد لها اثر في هذا المقال


من السهل ان ننجح في فرض رأي على الجميع اذا طرحنا امر ما بيصيد سلبياتة وطمسنا الايجابيات
هذا المقال رصد تحركات المراءة اليومية وعممها على الجميع لذلك من السهل جدا ان اطرح موضوع يرصد سلبيات تحركات الرجل فما اكثرها.......

هذة ليست دعوة لشن حرب ضد الجنسين فالخليقة لن تستقيم إلا بهما وكل طرف يحتاج الطرف لاخر

ولكنها دعوة الى لانصاف والعدل

سلمت