PDA

عرض كامل الموضوع : مواقف ليلة الزواج . ارهابي في ليلة عرسه . عنيف من أول ليلة



الجروووح
30-06-2004, 07:28 PM
مواقف ليلة الزواج . ارهابي في ليلة عرسه . عنيف من أول ليلة .


بسم الله الرحمن الرحيم ..


نعود أليكم من جديد أخواني وأخواتي الأعزاء الأفاضل .

ونذكر لكم بعض مواقف الذكور في ليلة الزفاف او الدخله .
بسم الله نبدأ .ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

هو صديق لي ههههههههههههههههههههههههههههههههه ..

الأخ صالح من الرياض :


يقول في يوم زواجي كانت تغمرني السعادة والفرحه , وكنت أوج أنسي ؛ يقول فذهبت في صباح عرسي

الى الصالون لكي أتضبط وأسوي اللازم علي من غسيل وتحليق وماشابه , يقول فأنتهيت من الصالون

وذهبت للبيت لكي أتجهز لقدوم الزوار قبل الذهاب الى الفندق , يقول: فستقبلت الزوار وجاء وقت

الذهاب للفندق ؛ يقول : فركبت السياره وكان أبن عمي يقود السياره بي وكان أخي الأكبر والذي يله معي

في نفس السياره , فكنا نعمل موكب كالعاده للمعاريس ؛ المهم يقولك مادري كيف جتنا زحمه قويه

فذهبت السيارات حقت الموكب عنا يقول ضعنا وقعدنا ندور مضيعين , المهم يقول مسكنا طريق مادري ايش

هو , فمرينا مسرعين وكان فيه تفتيش أمامنا نقطه فقط , يقول فمرينا مسرعين من عنده ماحسبنا له حساب

يقول فاذا بالسياره الطواري (السيارات السوداء ذيك أم خط أزرق في الوسط )ورانا يقول أحنا مسرعين على

بي ام دبليو تتجاوز سرعتنا 200 كيلو متر في الساعه ,يقول فأنذرنا بالوقوف وبالكاد سمعناه , يقول فوقفنا

فنزلنا واذا بالرشاشات فوق خشومنا , والصياح ((وارفع يديك ارمي سلاحك انبطح على الأرض ))

يقول : أنا جتني أم الركب خلاص مت من الخوف يقول أناظر في ربعي وأقول منهو فينا الأرهابي .

يقول : فتفاهمنا معاهم وأثبتنا لهم أن في عرس وأن أحنا ضعنا ومن ذا الكلام المعسول .

يقول: فضحكوو علينا , يقول : فحلف الظابط أن لو ماوقفنا خلال خمسين متر قدام كان أطلقو علينا النار.

فأطلقو سراحنا وذهبنا الي الفندق وأحنا في قمة البهذله .

يقول حتى الكوشه مادخلت فيها .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

محمد من جدة :

يقول وأنا راجع المساء من الصالون فقطعت الأشارة سهواً وسببت حادث بسيط ؛ المهم فأوقفتني الشرطه لكي تتم الأجرأت اللأزمة

ففوجئت أنهم أصرو على أركابي سيارة الشرطة لكي أوقف حتى تنتهي المسالة ويتم التنازل من الأطراف الباقيه او الرفض .

يقول ففي تلك اللحظة جننت فتكلمت على العسكري وهزأته . فأصبحت المشكله ثلاث مصائب جميعها على رأسي

يقولرغماً عني وعن أنفي شدوني وأدخلوني الي سيارة الشرطه وذهبو بي الى القسم وتم توقيفي الى حوال الساعه العاشره

وبعدها تم الأتصال بأخي ليحظر لكفالتي وخرجت مسرعا الى البيت لكي ألبس ملابسي .

يقول وسلمت على الحظور واذا الدهشه ونظرات الأستغراب تعمهم جميعاً وبعدها دخلت الى الزفه وألتقي ايضا نظرات دهشه وأستغراب

مريعه جدا من الحظور ومن زوجتي .

يقول فسألت زوجتي بعد ذلك . لماذا كل تلك النظرات منكي ومن الحظور ؟؟؟

قالت : (قلت من أولها عنف ومشاكل برا البيت فكيف بالبيت ) .ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ,,,,

أحمد يذكر لنا الليله المشئومه :

يقول كانت الليلة رومانسية لأبعد الحدود والأمل والحب مالي المكان وفجأة وأنا أسو لف معها غلطت باسمها بدل ما قول جواهر قلت هند
وانقلبت الليلة كحلي ومن يومها ولي الحين ثلاث سنين وهي تسال من هي هند اللي غلطت باسمها ليلة الدخلة .

يقول فصارت هند واقعه بتلبس علي عند زوجتي فكرهت أسم هند وحذرت زوجتي بأن تفكني من هالسيره وأنها كانت غلطه فقط .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ.....

يقول هذا المسكين :

أنا شين يعني مقياس الجمال فيني لا شيء (( أهم شي الأخلاق )) يقول لكن الحريم مايعرفون وش معنى اخلاق .

بس أعترف ان الزين مر من جنبي ولافكر فيني يمشي مليون ههههههههههه .

ورزقني ربي ببنت الحلال اللي الكل يتمناها الحمدلله . دين وعقل وثقل وزين . ياربي لك الحمد .

في ليلة الدخلة وكنا في قصر الأفراح , وفي الزفة كنت ماسك المدام ونمشي قدام هالخلق ..

وما دريت إلا اسمع وحده تقول : وع وش هالشين وش طيحه بهالمزيونه.

يقولفي نفسي تألمت : ((ياخي حظي الحمدلله حلو ربي يحبني ربي يبي يعوضني عن الشين اللي فيني ))

يقول: إلى يومك والله خاطري لو أشوفها الحين كسرت رأسها .

ولكن الحمدلله نعيش أنا وزوجتي في أتم السعاده والهناء ....ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وأخر يقول :

يقول الليلة الأولى على بالي مسكت مصارحة .. وقلت لها عن علاقاتي القديمة وما دريت إلا الدموع أربع أربع .. يا بنت
الحلال أشفيك شصار .. خلاص ماضي وانتهى .. وما فكت إلا يوم قلت بحلي الجلسة وشغلت شريط مباراة وشافتني وأنا

مكسور والإسعاف تشلني وقلت على بالي بحنن قلبها علي تدرين كم وحده اتصلوا يتطمنون علي .

يقول: كنت ابي أوري زوجتي اني مهم ولي معجبين معجبات

يقول : فزدت الطين بله خربتها مره
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ....

يقول عادل :

يوم أصبحنا في اليوم الثاني من الزواج ونبي نسافر شهر عسل ورحنا المطار بنسافر .. وركبنا الطيارة وقعدنا نسو لف وخذت
الجوال تقلب في الأرقام .. يوم شافت اسامي مره نوف ومره مشاعل ومره خلود وأنا منهمك أسو لف معها وتسألني وش هالاسامي
وقلت لها جعل الطيارة تطيح بي انهم اسامي محلات أتعاملل معها .

يقول : فما أقتنعت الا لين رجعنا وريتها المحلات ودقينا عليها سوا .ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ....

وفيه شي يقهر أيضا في الزواجات يسونه الحظور من النساء .


زي مايقولون دائما اذا جيت تاخذ اهلك من زواج قامو يسولفون والله شكله كذا مسويه كذا تضحك والله ماتستحي ولا فرحانه

ياخي في ليلة زواجها وماتبونها تضحك ولا تستانس ولكن نقول ((( مرضي الناس كايد )) ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ,,,


وأرجو أن تكونو قد أستمتعتم بهذة المواقف .


وفي المره المقبله باذن الله سوف أذكر لكم بعض الفروق والمواقف لزواجات الشيبان من اباء اماهات وأجداد ..
الى القاء في المشاركه التاليه باذن الله .

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ......

خلاقين مصلحة
01-07-2004, 12:17 AM
مشكووووووووووووووووووووور اخوي الجرووح
مواقف حلوه
كثي ر تحصل وخاصة بيوم الزفاف لان كل من الزوجين يكون مرتبك
تسلم على ماقدمت

الجروووح
01-07-2004, 03:43 AM
مرحبا الف مرحى .


اهلين خلاقين .


والله اسفرت وانورت الصفحه .


مشكوووورة على المرور ...

ولهان
11-07-2004, 01:53 AM
looooooooooooooooooool ;) thanx man

الجروووح
11-07-2004, 01:58 AM
ثانكس بعدي .


ثانكس مليون ثانكس .

تسلم والله .


تقبل تحياتي وشكري

_naif_
12-12-2005, 12:18 AM
مشكور اخوي المجروووح والله مواقف حلوووه الله يستر بس ما نطيحبها ...

http://www.yabdoo.com/users/3583/gallery/140_p1804.gif

متورط
12-12-2005, 12:45 AM
الجروح قصص رائعه
وتسلم يمناك

والله يستر علينا لا نطيح فيها :) لوووووووووووووووول

مدري
12-12-2005, 08:58 AM
مواقف رائعة
يعطيك العافية الجروح

كيت كاته
14-12-2005, 02:10 AM
هههههههههههههههههههههههه
وخذ عندك واحد
انا زوجي ليلة عرسنا جا يتصور معي قبل لا انزف وبعدها لازم يطلع ماله مكان وانا امكن اطول داخل عند الحريم المهم صرفنا ابو الشباب ويطلع ما هو داري وين يروح ويتمشى من شارع لشارع ومن حاره لحاره وفي الاخير وقفوه نقطه تفتيش واعطوه مخالفه لانه مو رابط الحزام ...
والا الحين وهو يطالبني بفلوس الغرامه كاني انا اللي ما ربطتها ويقول هذا جزاتي ما ربطتها عشان اخاف يتوصخ الثوب من الجنب ابي اكون قدامك بقمة اناقتي ههههههههههههههههههه

* دلع *
20-12-2005, 02:03 PM
هههههههههه..
يعني موبس الحريم تصير لهم مواقف ..
مشكور أخوي الجروح مواقف روعه ..

الجروووح
20-12-2005, 02:53 PM
هلا اخت دلع .,


كررركررر .


موضوع قديم جدا جدا اخت دلع .


عمره هالموضوع مايقارب سنه ونصف او أكثر .



تري يزعلون عليك المشرفين .



ههههههههههههه



تحياتي لك وشكري .

عبدالهادي
20-12-2005, 06:51 PM
اشرفنا على بعضها وربنا ستر

انتهى وقت الدبوس

اذكر لكم واحد من الزملاء لما اراد ان يتزوج اصر على ان يكون الزواج عائلي
ولا يعرف فية احد الا اقرب الاقربين .......... ولكن اخوك ذيب
حتى اخوة مافتك منة
وقام الاخ الاكبر بابلاغ الاصدقاء وترتيب مقلب مرتب
خلوة يجي من المقلب على صلاة الفجر
بعد ان نزعو ا بسطة وخلة يلعن الساعة الى قرر انة يزوج فيها ...
مادرى ان الزواج العائلي اعطى اصحاب الدين التخطيط للانتقام على مهل بدون احراج الاهل
ولكن ادخلو ا اخو العروسة معهم علشان يحبكونها وتم اللازم ..............

وانقضى الدين ............... ومسك الجادة




ابو هوازن

جذاب
20-12-2005, 09:29 PM
احس اذا صار لحد موقف قوي في مثل هذا اليوم

يكون فيه نوع من الكشن ومستحيل ينسى هذا الموقف

عمومآ الله يستر علينا ولا يبلانا

* دلع *
21-12-2005, 08:29 AM
حرام عليك الجروح ..
انا صار لي اقل من شهرين في المنتدى ..
وكانت فترة الإمتحانات في بدايات تسجيلي
في المنتدى ..
وأمس قريت الموضوع ..
الزبده اني ماكنت مسجله بالمنتدى قبل سنه ونص ..
وانشالله محد يزعل مني ..

الجروووح
21-12-2005, 03:57 PM
ياهلا فيكم جميعا .


:d :d :d :d


اخت دلع وعبدالهادي وجذاب .


وسوف نتخطى الخطوط الحمراء والكوستاني بعد لعيونكم .


أعجابكم وتفاعلكم مع الموضوع يسعدني .


ومروركم يشرفني .



وتقبلوا تحياتي وشكري وأحترامي لكم .

بدويه بقوه
27-12-2005, 02:37 PM
مشكووووور اخوي الجروح

المواقف مررره حلوه

والله يستر علينا

النجم الساهر
29-07-2006, 01:39 PM
سواليف حلوه .. الله يستر منها ليلة الزواج مع الرجال (والنكبات ...)

hano0o0o
02-04-2009, 03:56 PM
أحمد يذكر لنا الليله المشئومه :

يقول كانت الليلة رومانسية لأبعد الحدود والأمل والحب مالي المكان وفجأة وأنا أسو لف معها غلطت باسمها بدل ما قول جواهر قلت هند
وانقلبت الليلة كحلي ومن يومها ولي الحين ثلاث سنين وهي تسال من هي هند اللي غلطت باسمها ليلة الدخلة .

يقول فصارت هند واقعه بتلبس علي عند زوجتي فكرهت أسم هند وحذرت زوجتي بأن تفكني من هالسيره وأنها كانت غلطه فقط <<< هذا قليل اذبحه مو اقلبها كحلي عليه بس ههههههههههههه اقرب صينيه وافقعها براسه ههههههههههههههههه

وخذ موقف والله ولد عمي وهو ينزف كانت ايده ترتجف اوك وهو كله يرتجف واحنا لاحظنا عليه وخفنا عليه اصلا ههههههههههههههههه المهم وهو يمشي تعرقل وعرقل عروسته ولليوم نتفرج عالفيديو ونضحك هههههههههههههههههههههههههههههههههه بالله يا شباب وانتو تمشون شوي شوي هههههههههههههههههههههههههههههه

ست الحباايب
02-04-2009, 07:50 PM
مشكور والله اسعدتونا

من بادي الوقت
12-05-2009, 06:36 AM
صراحة موضوع جميل أخوي بس لازم تحسون فينا أنتم ياالرجال ، يعني بعض الرجال يتغزل بوحده مرة بجنبة دون ما يراعي خاااطر زوجتة إذا كانت معاااه ، ولازم تعرفون شئ "معلومة عن النساااء" المرأة دائما تبي تحس أنها أجمل وأحلى وحده حتى ولو كان العكس صحيح ولازم نجامل في بعض الأحياااان .

البرفسر
23-05-2009, 09:29 PM
مواقف حلوه وطريفه