PDA

عرض كامل الموضوع : فزعتكم معاي يا اعضاء



سعودي لطيف
26-02-2008, 11:43 AM
ما ادري وش اقولكم لاني احترت كثير قبل لا اكتب الموضوع بس بقولكم على سالفتي من البدايه
بصراحه انا اعمل في وظيفه فيها اختلاط وكنت من النوع اللي متسيب شويه
يعن يكنت اسولف مع هذي واخذ رقم هذي وعادي كنت اكلم بنات برى الشغل واستهبل على
البنات في الاسواق وغير بس الدعوه كلها كانت كلام في كلام وماتجاوزت ذلك والحمدلله
اللي صار
قبل سنتين كنت مسافر برى ومن ضمن السفره اني اقضي يومين في احد الجزر
وفجأه وانا نازل اتمشى على الشاطيء لفتت نظري بنت مادري وش اقولكم بس
بنت روعه في كل شي
اللي لفت نظري اكثر انها كانت محتشمه وتلبس العبايه كاشفه وجهها بس كانت محجبه
بالرغم من اننا برى المملكه وبرى العالم العربي كله
واللي جذبني فيها اكثر انها كانت تتصرف بطفوله تركض وتلعب وتضحك مع اللي حواليها
حاولت اني اتقرب لها واكلمها بس البنت صدتني بكل ادب مع انه وقتها ماكان معها احد عشان تخاف منها
ولكن اخلاقها هي اللي كانت تمنعها حاولت اكثر من مره اني اكلمها ومع ذلك كانت اوقات تنطش
واوقات تسوي نفسها مو شايفه والشي هذا خلاها تكبر في عيني اكثر واكثر
ومره كنت نازل افطر الصباح وشفتها نازله وجا واحد اوروبي وكلمها
قالها ليش تلبسين القماش الاسود هذا قصده العبايه
قالت له لاني مسلمه من السعوديه قالها :o السعوديه بلد البترول
قالت ايه احنا في السعوديه كل واحد عنده في بيته بير بترول ههههههههههههههههههههه
كل يوم اكتشف فيها شي جديد وكل يوم يزيد اعجابي فيها
وسبحان الله تملك عيون جميله ورموش كثيفه جدا بالرغم انها ماتحط مكياج ابدا
اللي صار اني مره مسكت اختها الصغيره وسألت عن عائلتهم ومن وين هم
ولما رجعت للسعوديه سألت عنها واكتشفت انه في بينا صلة قرابه ولكن من بعيد لبعيد
وقررت اتقدم واخطبها ولما تقدمت رفضوني اهلها اوهي اللي رفضتني بس زي اللي فهمت من كلامهم انهم
رفضوني عشان مستواي المادي اقل منهم
وهنا قررت اني اروح وانساها لان كرامتي كانت الزم علي
وسبحان الله صرت اشوف كل البنات ولا شي خلاص البنت هذيك دخلت مزاجي
كان صديقي يقولي كنت تلعب على بنات الناس وجت البنت ذي وسحبتك على وجهك ههههههه
ومالقيت نفسي الا وانا راجع اخطبها مره ثانيه وحطيت كرامتي ورى ظهري
ورفضوني وتقدمت مره ثالثه ورفضوني بطريقه غير لبقه لاني طفشتهم
وبعد تقدمت مره رابعه وصرفني ابوها ولاعاد كلمني يعني طنشني ماعطاني خبر
حاولت اوصل للبنت بكل الطرق عشان اعرف اذا الرفض منها اومن اهلها
بس للأسف ماعطتني مجال والى الان مو معطيتني مجال الله يهديها
وانا ناوي اذا الله اراد اتقدم المره الخامسه عن طريق اخوها
وانا طالب فزعتكم عطوني حلول وش اسوي ؟ ووشلون اتصرف ؟

شايفه وساكته
26-02-2008, 01:38 PM
قلبي معاك:(

اهدئ وحاول تتفهم سبب رفضهم ودخل ناس يتوسطون لك
اما اذا البنت هي اللي رافضتك فحاول تترك الجمل بما حمل
لانها حياة بينكم فبلاش تكون بغير رضى وربي يعوضك اخير منها

<<--- كثير عيونهم حلوة ورموشهم كثيفه وتجنننننننننننننننننن :D

فيصل الشمري
26-02-2008, 01:39 PM
الله يعوضك بغيرها عزيزي ,,

ولــد جدهـ
26-02-2008, 01:51 PM
ياعمي الله ايعوضك بوحده احسن منها

فيزيائي
26-02-2008, 01:51 PM
سعودي لطيف ...
الله يعينك يارب ...
في أول الموضوع صغرت في عيني ...
وبنهايتو كبرت بعيني أكثر وأكثر ...
من جد أحكيلك :
مع إنو أنا مابفهم بالسواليف هاي ...
لكن أتوقع إذا كان الرفض منهم أو منها
بالنهايه راح يعرفو إن بنتهم غاليه عندك
وماراح تفرط فيها ولا تفوتها ع نفسك ...
لكن بالراحه شويه وخلي حدا من أهلك تروح وتحكي معاها ...
صاحب أخوها ... اعملك إشي ...
بس بالرحه ... ولاتفوتها ...
الله يارب يزوجك ونفرح فيك ...
الله يسعدك ...

صمت الكلام
26-02-2008, 01:59 PM
شوبدك تعمل ياخيي
انا من رأيي انساها احسن لك ويمكن البنت مابدها اياك ....................
او دخل واسطة بينك وبين اهلها واللي ليه نصيب بشي باخده وبعدين اثقلك شوي ياخي مو هيك داب حالك عليها اذا كانت بدها اياك بتبطل
وانشا الله الله يوفقك وينولك اللي ببالك

اسامه السلطان
26-02-2008, 02:44 PM
قالت ايه احنا في السعوديه كل واحد عنده في بيته بير بترول ههههههههههههههههههههه
كل يوم اكتشف فيها شي جديد وكل يوم يزيد اعجابي فيها

ههههههه حتى انا اعجبت فيها بعد اذنك يعني هههه


وسبحان الله تملك عيون جميله ورموش كثيفه جدا بالرغم انها ماتحط مكياج ابدا

طيب يمكن مو حاطه مكياج بس مركبه رموش خخخخخخخخخخخخخخخخخخخخ


اللي صار اني مره مسكت اختها الصغيره

لو اني مكانك كان مسكت اختها الصغير وفقعت وجهها هههههههههه عشان تجي اختها الكبيره تهاوش وعلى كذا نتفاهم هههههه ياحبي لي ذكي ههههههههه


وسبحان الله صرت اشوف كل البنات ولا شي خلاص البنت هذيك دخلت مزاجي

يامسكين ياقيس ابن الملوح خخخخخخخخخخخخخخخخخخ
لاتزعل ترى بس حبيت امزح عشان نغير جو
بس اذا انت ولد فقر وش مسفرك برى السعوديه خخخخخخخخخخخخ


خمس مرات تتقدم :o ياعمي الله الغني
السؤال لغير الله مذله حزنتني ياشيخ :(
طيب هل اهل البنت سألو عنك ولا رفضوك مباشره لمجرد ان مستوا المادي اقل منهم ؟
بعد اذنك حاب اسلم على العضو فيزيائي حبيب قلبي
شلونك يافيزيائي وحشتنا ياراااااقل
ودي امر اسلم عليك في البريد بس علي حضر هههه مشاغب انا هههه
يسلملي صاحب النار الوهميه يسلملي ههههه

الســــــــهم
26-02-2008, 03:53 PM
سعودي لطيف كزهرة الخريف رددت عليك تشريف لا تكليف
قيس قيس قيس قيس


ابو الشباب ايش فيك تراها بنت لا راحت ولا جات


والله لو انها جمجم بنت ابو عصعص

بس على فكره انا عندي الحل اللي يخليها هي واهلها يجرون وراك ويتمنونك لبتهم


هذي القصه حصلت نفسها او شبيهه لها لصديقي صالح

في جزيرة " هياط " شمال دولة " صرفني " الاسكندنافيه اثناء جولته بقارب السزوكي حول العالم

وعمل بطريقتي اللي عطيته اياها

ومن يومها وهم يجرون ورى ابو صلوح وهو يرفض ويقول ما ابغى بنتكم
يعني هو اللي يلوي ذراعهم مو هم ؟؟


المهم الطريق بسيطه

كل ما احتاجه منك هو رقم جوال تلك الفتاه واسمها وعنوان بيتهم
وان شاء الله امورك راح تزين

حكمة السهم

" الحب ان وجد عدم وان عدم طلب "

فابتعد عن الحب لياتي اليك بلا عناء

سعودي لطيف
26-02-2008, 03:57 PM
رنين الروح _ اشكرك على ردك وقفتك معي بس بسألك يارنين الروح انتوا البنات عليكم
حركات مدري وش تبي ههههههههههههههه وابي افهم منك
انا لما شفت البنت اللي خطبتها خلينا نسميها تويتي ههههههههههههه كنت اشوفها تسولف مع كل الناس الا انا يعني مره كنت اشوفها
تتكلم مع اصحاب القوارب في البحر وتسألهم عن حياتهم البحريه ومره شفتها تدخل المطبخ حق الفندق عشان تتكلم مع الطباخ وتساله عن طريقة الشوكلاته اللي يصنعها ههههههههه
ومره شفتها تتكلم مع سياح شكلهم ايطاليين ولما يجي الحد علي تسوي نفسها مو شايفتني وتمشي
يعني ابي افهم انتي بنت وتعرفين حركات البنات هي تسوي كذا عشان ترفع ضغطي
ولا عشاني غريب عنها ولا ايش ؟

<<--- كثير عيونهم حلوة ورموشهم كثيفه وتجنننننننننننننننننن
ههههههههههههههه طيب شكرا يا ام رموش كثيفه

فيصل الشمري , ولد جده _ انا بأذن الله بتقدم بعد مره دعواتكم لي ياشباب واذا صار نصيب ماراح انساكم وبعزمكم في زواجي هههههه

فيزيائي _ انت دخلت في راسي فكرة اني اصاحب اخوها او اخلي اختي تكلم البنت فكره خطيره شاكر لك على دعواتك فيزيائي والله يوفق الجميع

صمت الكلام _ رميت حالي ولا مارميت حالي ماعطتني وجه هههههههههه مره في نفس السفره شفتها قاعده تتعشى في مطعم وهي لاحظتني اول مادخلت وحاولت اسوي ثقيل واني ما اناظر فيها ولا اهتم وبعد شوي ارفعت عيني ادورها لقيتها خلصت عشى وطلعت برى المطعم ههههههه

اسامه السلطان _ ههههههههههههه خذ راحتك وسولف ونكت زي ماتبغى ومسموح لك تسلم على اللي تبغى وبالذات فيزيائي لانه يستاهل مادري وشولن ماخطرت على بالي افقه وجه اختها ههههههههههههههههه راحت علي ههههه

طيب هل اهل البنت سألو عنك ولا رفضوك مباشره لمجرد ان مستوا المادي اقل منهم ؟
انا نفسي يسألوا عني لاني متاكد اذا سالو راح يقتنعون فيني بس هم رفضوني من غير سؤال حتى

شاكر لكم جميعا على ابداء رايكم وبإذن الله راح اطمنكم اول باول

سعودي لطيف
26-02-2008, 04:04 PM
السهم_ صديقك صالح داشر ماابي افكاره هههههههههههههه بعدين رقم جوال البنت موعندي بس عندي رقم اخوها اذا تبي بس اخاف تدق عليهم وتاخذ البنت مني تسويها ههههههههه
ابو الشباب ايش فيك تراها بنت لا راحت ولا جات
ههههههههههه انت تقول كذا عشانك ماجربت وايش دخل جميله بنت ابو عصام ايش جاب لجاب
هذي بنت محترمه عفيفه وهذيك تقول للي مايشتري يتفرج هههههههههه علمني على الخطه عشان الوي ذراعهم يا سهومي

النيزك
26-02-2008, 04:15 PM
ياه طيب ما تعرف ممكن البنت عندها واحد ثاني في حياتها وعلشان كذا رفضتك
وممكن انو البنت ما حابة ترتبط وحتى لو تقدمت عشر مرات من غير ماتحكي مع البنت وتعرفها ااوكد لك ما رح ترضى فيك لو حفيت
انا اول انطباع جاني انها حابة تدلل اما بعد 5 مرات طلبتها مستحيل رافضتك وحاه كمان عليك اشارةx


مارفعت معنوياتك بعرف بس حاول تعرف البنت وتعرف انطباعها حاول سوي حركات من اللي بتسوهم يالشباب دايما
بعدين عمرك فكرت انه اللي تسوي يسمى ثقلة دم يعني حتى لو فكرت البنت تحبك انتا بعمايلك خربت كل شي
اثقل شوي ورح احكيلك كلمتين :
(اجعلها تقتنع بك واظهر لها انك تهتم بها من بعيد لبعيد )

لو اي بنت مكانها كانت عملت نفس الشي سؤال كيف ترتبط فيك وهي ما تعرفك اصلا يعني عمرها
ما شافتك غير بالجزيرة وممكن سالو اهلها عنك وما عجبتهم شخصيتك حياتك وحبو يطفشوك بهالوسيله
ما بعرف بس وضح اكثر يا خيي وبكون شاكر لك كثير

نــــوره
26-02-2008, 04:28 PM
سعودي لطيف

عندي لك اقتراح ..:rolleyes:
روح قولها : تويتي خذيني مابيني :D:D:D
http://www.yabdoo.com/users/60077/gallery/3626_p137181.gif

نجـــ سهيل ـــمـ
26-02-2008, 04:49 PM
هههههههههههههههه
الله يقطع سواليفك
أنا داخل وفي يدي المحفظه قلت الرجال يبي سلف عنده ظيوف يبي يعشيهم

المهم
تبي نصيحة أخوك http://www.yabdoo.com/users/38899/gallery/2745_p109547.gif
الثقل زين في مثل هالمواقف بنات هاليومين مايحبون إلي يجي على وجهه يصدقون حالهم سندريلا منفوحه

أثقل وبتشوفها http://www.yabdoo.com/users/3583/gallery/140_p1796.gif

هي بتخطبك بنفسها

والله الله بالدلع والدلال ههههههههههه http://www.yabdoo.com/users/3583/gallery/140_p1804.gif

لا أوصيك

بجد أحسها زينه وحلوه من وصفك لها ممكن تعطيني العنوان أجرب أنا أخطب ممكن خشتي أحلى من خشتك http://www.yabdoo.com/users/38899/gallery/2745_p114505.gif


قل لنا شو بيصير معك نبي أخر ألأخبار


:)

نــــوره
26-02-2008, 04:56 PM
نجم سهيل


هههههههههههههههه
الله يقطع سواليفك
أنا داخل وفي يدي المحفظه قلت الرجال يبي سلف عنده ظيوف يبي يعشيهم

نجم سهيل بما انك مجهز المحفظه ماراح اردك هات محفظتك :D

سعودي لطيف
26-02-2008, 06:39 PM
النيزك _ هم رفضوني اربع مرات بس عشان اصحح لك معلوماتك هههههههههه بعدين يمكن الرفض من اهلها مو منها هي لي تحطمني :(
وايش هي حركات الشباب علمني ياابو الشباب انت ههههههه
وصدقني انهم ماسألو عني ولا مره انا اتمنة يسألو بس ما احد فيهم مهتم يسال ماني عارف ليه :mad:
نوره _ هذا وقت شماتك الحين :mad:
نجم سهيل _
أنا داخل وفي يدي المحفظه قلت الرجال يبي سلف عنده ظيوف يبي يعشيهم
هههههههههههههههه ولا اردك على قولت نوره عطني بوكك

بجد أحسها زينه وحلوه من وصفك لها
وش تبي انت يا ابو الشباب ههههه انا عادي اقول عنها حلوه انت وش لقف اهلك تقول عنها حلوه ههههههه صايره البنت سبيل اسامه معجب وانت معجب ماناقص الا السهم يطلع معجب بعد ههههه

قل لنا شو بيصير معك نبي أخر ألأخبار
ياخوي مدري وش اسوي من العصر وانا ماسك جوالي ودي ادق على اخوها وخايف
وش رايك ادق بس واتوكل على الله ولا أأجلها لبكره ؟

نوره_ انقلعي برى مابي مساعدتك هههه

نــــوره
26-02-2008, 06:51 PM
نوره_ انقلعي برى مابي مساعدتك هههه

الحيييين تقولي انقلعي برى من بعد ماكنت تقولي خذيني مابيني الله يالدنيا
دنيـــا دوراه :D طيب اجل تستاهل اللي يجيك وزين اللي تسويه فيك تويتي
بس هل انت مسميها تويتي على الكتكوت تويتي اللي في افلام الكرتون ؟ :D

http://www.ultimateart.com/SteveKaufman/WarnerBros/TweetyBirdBlueb.jpg

المهم انا بنقلع ولكن أجبني يافتى ..
هل هذه الخشه خشتك ولا خشة ولد الجيران؟؟
http://www.yabdoo.com/board/image.php?u=65677&dateline=1204042428

الجروووح
26-02-2008, 07:05 PM
يا السعودي اللطيف .



انت خويي رفيقي هههههههههههههههههه



اقول اسمع من اللي جربوا قبلك .


لا تعلق نفسك بشيء مو لك ولا من نصيبك .



نصيحتي لك :

1- استخر ربك هو اللي يدلك ... ( صل الإستخاره ) .

2- حاول انك ماتعلق نفسك زي ماقلت لك .. هذا راح يؤثر عليك إذا ماتزوجتها بتكره كل انثى غيرها وتظلم نفسك و زوجتك وهي يمكن تكون أحسن منها .


3- اتوقع أنك متعلق و الدليل خطبتك لها اربع مرااات .. (( يعني انتبه لعمرك )) .

4- الحل الأمثل لو أنت مررره تقول لي رايح فيها .. (( قم الليل وأدعي ربك بصدق وأخلاص )) .. و إذا فيها خير لك بيوفقك ربك لها وتنكتب لك .. (( ركز على قيام الليل و كثرة الدعاء )). ركز ركز ركز ..

بإخلاص بإلحاح بتواصل بخشية بإنكسار لله ومثلك عارف . و بتشوف النتيجه أن شاء الله .




مع تحياتي .

الحـــافية
29-02-2008, 09:05 PM
شفت استغاثتك فالبريد وجيت اقول اللي عندي..:)

مهلاً مهلاً يا عزيزي.. كله ولا عزة النفس ياخي

انت تقول انك حاسس ان الرفض من اهلها مو منها

طيب افرض انو الرفض من اهلها مو منها؟ تقدر تتزوجها غصباً عن أهلها؟ طبعاً ما تقدر:)

انت تقدر تتزوج اي حد بدون رضى امك وابوك.. الدين ما الزم عليك رضاهم في مسألة زواجك لكن رضى ولي امر البنت مطلوب حيث زواج البكر بدون ولي باطل باطل باطل

هذا اولاً.. رضى البابا تبع البنت مهم



ثانياً.. هل انت بترتاح لما تعرف ان الرفض منها مو من اهلها؟

اقولك شي؟ ما بترتاح.. بتظل تقول ليش انا شفيني شحلاتي وهي ايش شافت فيني عشان ترفضني ووو وبتعذب نفسك على ناس ما يبونك لبنتهم او بنتهم ما تبغيك



ثالثاً.. يمكن ياخي البنت شافتك وانت تدخن وغسلت يدها منك.. طبعاً جيلنا ما يحب الذكر اللي يدخن

يمكن انتو الشباب تشوفونها مرجله بس احنا ما نشوف اللي انتو تشوفونه.. ماعلينا

هل انت مدخن؟ :d



رابعاً.. قلت انك كوول ويا البنات وتكلمهم هنا وهنا وهناك ووو

انت سألت عنهم وقلت ان في صلة قرابة من بعيد لبعيد.. وبرضو قدرت توصل لها

افرض عاااد هي او هم بطريقتهم سألوا عنك وعرفوا انك تكلم بنات يا خال وعلى هالاساس قرروا انك خربان وماتصلح؟

انا ما اقول انك خربان لا تفهمني غلط لكن عاااارفة ان كثير الشباب يكلمون بنات عادي ما وراهم شي وهالشي لو يجوز لكم فهو ما يجوز للطرف اللي بترتبطون به.. يعني مثل هالسوالف لازم تكون في منتهى السرية.. لان مافي واحد يقبل على نفسه وحده كانت تكلم فلان ووفلان وفلان ولا في واحد يقبل انه يرتبط بوحده كانت تكلم فلان وفلان وفلان

يعني مافي فهالزمن شي اسمه ان الرجال ما يعيبه شي.. الا يعيبه شي وشي واشيااااا

فالمنتدى هنا محد يعرفك.. تقدر تاخذ راحتك وتصارحنا بماضيك لكن خارج نطاق عالم الانترنت انطم ولا تخل حد يعرف عنك شي.. لا تثق في اي كان بشري ولا تعط حد فرصه انه يتكلم عنك

خلاصة رابعاً.. انو ربما واصلهم شي عنك يا صاح



خامساً.. تقول انهم رفضوك عشان مستواك المادي.. وجايز انهم صادقين مو قاعدين يلفون ويدورون معك

صعب تاخذ وحده منغنغة وعايشه في عز وكل حد يلبيلها طلباتها وتجيبها لمستوى تحرمها من كثير اشيا كانت متوفرة لها قبل بس لانك حبيتها

ادري ماهو سبب يرفضونك عشانه لكن الزمن تغير ياصاح وقلبي معاك مو كل حد ممكن يتفهم

ممكن تقول انك بتنغنغها مابتحرمها من شي لكن الله يقول لا يكلف الله نفساً الا وسعها فليش انت تكلف نفسك؟



سادساً.. انا متأكده انها شافتك وهاي حركاتنا.. خبره في موضوع اننا لا نسمع لا نرى لا نتكلم ونخلي اللي يسوي كح كح وبق بق دوم كالحيط

بما انها شافتك.. ممكن تقولي حضرتك شو كنت لابس هاك اليوم؟ لا تقوووووووووووول شورت!

افتكر مره استاذ شافني في مول وركض الحبيب عشان يقول هاي حوافي.. كان لابس شورت مره قصير

انا سلمت عليه عادي بس وجهي كان يصبصب عرق من نظرات الناس وفخاطري اقول الله يفشلك ما حصلت غير هالشورت عشان تلبسه! (( ملاحظه.. "سلمت عليه" اي بالكلام مو بالبوس.. عنكم مناطق تترجم السلام بالبوس وحبيت اخذ الحيطه:D))

عشان ما تضيع فكرة هالنقطه.. شو كنت لابس وكيييف كنت جالس؟ جلستك مهمه فالموضوع صققني هههههه



سابعاً.. كم طولك وشو وزنك؟ ماهو يمكن رفضوك لانك دبدوب قوي او ضعيف قوي

انت حلو ولا عادي ولا شين؟

عشان تعرف ان مو بس انتو اللي تفتتنون بالحلوااات.. احم

دنا البارحه شفت واحد افغاني شو جميييييييييييييييل الحيوان هههههههه.. لكن خلنا في نطاق موضوعنا احم

ونقطه مهمه.. كم عمرك يا صاح؟ يكونشي عمرك 40 وتبغي وحده عمرها 20 يا منيّل؟

ان كان هذا الواقع فأقولك خلك عن البنت بعيد ولا ترى احش رجولك حش:mad:



ثامناً.. تراني اقدر احط مكياج كامل واخليك بنفسك تصدق اني مو حاطه ولا شي:d

وصرت مؤخرا اتبع وضع المكياج "الخفي".. بس مشكلته انه ياخذ وقت اكثر من لما احط مكياج كامل..

طبعا الدقه فالمكياج الخفي مطلب اساسي لنجاح هالنوع من المكياج هههه



تاسعاً.. بكون صادقة وياك بس لاتاخذ كلامي على انه برسونال انسلت لان قلبي ابيض معاك

ياصاحبي واضح انك لزقه ولوعت كبد اهلها.. لا تتقدم لها المره الخامسه لانك مصختها

وحتى ان قبلوك بيذلونك وبيكلفونك مالا طاقة لك به وبينكسر قلبك

الجماعة مو مرحبين فيك مثل ما تقول يعيني مو مسويلك قدر..

نصيحتي لك تبتعد.. وتحافظ على قلبك من الانكسار.. وتدور وحده هي واهلها يحترمونك ويسوولك قدر

ادري ان الحب اعمى بس حبيت اسلفك عيوني عشان تشوف بيها انت شقاعد تسوي في روحك

ياخي لا ترخص روحك حتى لا يجي اليوم اللي تجد فيه مالا يحمد عقباه لانك ما بتلوم الا نفسك وبتعرف انك اعطيت ناس قدر ماااا يستحقوة

اعرف سالفة قريبه من سالفتك.. تم فيها الزواج.. وتم الطلاق بعد شهر.. وندم صاحبنا ندماً شديداً وقال انا كنت اعمى يوم حبيتها بس تعملت الدرس بعد ما خضت تجربة مريرة مع امالي اللي ما كسبت منها الا الدمااااار الشامل



عاشراً.. لو سمحت.. رجعلي عيوني تراني احتاجها مثل روحي:)



الله يصبرك ويرزقك ببنت الحلال اللي تسعدك وتصونك عن الانحراف:p

رعاك الله


الحافية