PDA

عرض كامل الموضوع : 3 × 3



banker81
29-12-2008, 02:31 PM
3 × 3




ثلاثة × ثلاثة

ثلاثة ما ينامون الليل
المديون والعزابي والمغازلجي..



ثلاثة الله يكون في عونهم

أبو البنات والمطلقات و((موظفي البنوك))..

ثلاثة صعب نتخلى عنهم
الخدامة وصينية العيـــش والرقم المميز..

ثلاثة محتاجة واسطة
الجوازات والمرور والأحوال

ثلاثة يرفعون الضغط
الملح والكوليسترول وهالة سرحـــــان..

ثلاثة أشياء تسبب الغرور
الفيلا والسيارة الفخمة و الفلوس الزايدة ..

ثلاثة نقول الله يهديهم
بنات المجمعات وعيال الشوارع وعبدة الشيطان ..

ثلاثة أتمنى ما أشوفهم
مواطن محتاج وآسيوي مديــر وشاب مواطن ما عنده وظيفة..

ثلاثة ياكلون في لحوم الناس
الحيوانات المفترسة والبنوك وبعض الهوامير الكبار..

ثلاثة يسببون أمراض القلب
السيجارة والمخدرات والعيال..

ثلاثة ما يخافون الله
قاطع أرزاق الناس وآكل الحرام وعاق والديه..

ثلاثة فواتيرهم تكسر الظهر
شركة الاتصالات والكهرباء والمدارس الخاصة..

ثلاثة ما يشتغلون بضمير
المقاول والخدامة والمواطن المستهتر..



ثلاثة لازم نتخلى عنهم
التبذيـــر والفشخرة والاعتماد على الخدم..

ثلاثة مشاكل عظيمة تهددنا
العنوســـة والتركيبة السكانية و الواسطة..

ثلاثة ما عندهم سالفة؟ !

متابعين سوق الأسهم ومتابعين ستار اكادمي واللي مايردون على موظوعي :D





وااااااااااا بالدعاء لفلسطين المغدورة اااااااااااصلووو....

الســــــــهم
29-12-2008, 03:18 PM
اكون اكبر غبيه لو رديت على موظوعك

banker81
29-12-2008, 03:21 PM
افااااااااااااااااا... لية بس ياالسهم؟؟؟ من زعلك ... وانا كنت برحب فيك وبهلي فيك عقب هالغيبة الطويلة!!! جد والله ايش فيك؟

الســــــــهم
29-12-2008, 03:42 PM
افااااااااااااااااا... لية بس ياالسهم؟؟؟ من زعلك ... وانا كنت برحب فيك وبهلي فيك عقب هالغيبة الطويلة!!! جد والله ايش فيك؟


معليش انا اسفه


لاني امر بازمه نفسيه حاااااااااااااااده

وزادها غياب حبيبة قلبي رنين الروح

الا على فكره تعرف احد في الجوازات او الترحيل ؟؟؟

banker81
29-12-2008, 04:41 PM
قبل لا اقولك اعرف احد في الجوزات ولا لا..... انتي كيفك وين الغيبات عسى ماشر!! على فكرة!! حطينا صورنا انا بعض اعضاء يابدوو في المنتدى .... سالله معانا :-)

الحـــافية
30-12-2008, 04:16 PM
ثلاثة لازم نتخلى عنهم
التبذيـــر والفشخرة والاعتماد على الخدم..

هههههههههه اقطع ذراعي هههههه

لا حياة دون خدم

هذا شعاري فالحياة

وشعار بنت خالتي فالحياة هو.. لا حياة بدون سروال ههههههههههه

السهم.. اياك تحط صورتك

انا حبيتك بدون ما اشوفك .. احتمال لو شفتك اعاديك .. لذا خلك بعيد حبك يزيد


الحافية

lovelybaby
30-12-2008, 09:04 PM
افاااااااااااا

ليه كده نفــس الموضوع

ياحســــافة

يؤســــــفني اقولك الموضوع مكرر

http://www.yabdoo.com/board/showthread.php?t=77915

الســــــــهم
30-12-2008, 09:26 PM
وشعار بنت خالتي فالحياة هو.. لا حياة بدون سروال ههههههههههه

السهم.. اياك تحط صورتك

انا حبيتك بدون ما اشوفك .. احتمال لو شفتك اعاديك .. لذا خلك بعيد حبك يزيد


الحافية




بنت خالتك هذي ما عندها سالفه
مو لانها ماردت على موضوع ابو بكر

لا لا لا
لانها تقول لا حياة بدون سروال

بدويه قحطاانيه
30-12-2008, 11:03 PM
بصراحه كلامك حلو وفي محله

العيون الحزينه
01-01-2009, 03:39 PM
خخخخخخخخخخخخخ موضوعك حلووو
وثلاثه ماأقدر أعيش من دونهم (أمـي _الجوال_جدتــــي)ههههههههههههه
تقبل تحياتي