PDA

عرض كامل الموضوع : بتحس بكدة؟؟؟؟؟؟؟؟؟؟؟؟؟؟؟؟؟؟؟؟؟؟



"MIDO"
20-02-2009, 03:56 PM
بسم الله الرحمن الرحيم

http://img01.picoodle.com/img/img01/4/1/29/f_3335321129cm_45536c4.jpg

عارفين الشعور ده
عارفين لما تفتكر حاجه كده
تحس انها بتشدك لذكريات
انت مش عارف ايه الذكريات دى
بتشدك لحاجه كده
بحاجه انت مش عارفهاا
و ممكن تدخلك فى شعور كده غريب
حزن مع الم مع فرحه
الشعور ده

!!....عارفينه

عارف لما تسمع اغنيه كده
تلاقى نفسك بتبتسم من غير سبب
بس جواك حزين اوووى
و تلاقى شعور بدأ يدخل جواك
انت مش فاهمه
و تحاول تفهم ايه ده
وفى الاخر متفهمش

طيب عارف لما تروح تقف على البحر كده
وتاخد نفس عمييييق
بعديها تلاقى نفسك بتبتسم
بس جواك حاجه مش قادره تخرج
حاجه يمكن بتقطعك من جوه
و مش عارف تتخلص منها
عارفين الشعور ده

http://img02.picoodle.com/img/img02/4/1/29/f_Aes0xb61504m_8607270.jpg
طيب عارفين

لما تبقى لسه صاحى من النوم
اليوم لسه مبداش اهو
وتلاقى نفسك على السرير لسه
و غصب عنك تنزل دمعه
ممكن تفضل ساعتين تعيط على المخده
المخده اللى تعبت مننا كل يوم
كل يوم يتحس بينا
قبل ما ننام
و تقوم من على السرير
و محدش يعرف حاجه

عارفين الشعور ده

http://img01.picoodle.com/img/img01/4/1/29/f_1111111m_8e851d8.jpg

عارفين لما تكونوا اصحاب متجمعين فى يوم كده
و كلكوا مهيسين وبتضحكوا
و اللى يشوفكوا من بعيد لبعيد
يقول الناس دى رايقه
وحياتها تمام اوى
و انتوا اصلا بتضحكوا بدل ما تعيطوا
و محدش حاسس بحاجه
و محدش فاهم حاجه
لا و ايه
محدش هيقدر اصل
انه لا يفهم ولا يحس اللى جواكوا
.....

طيب عارفين لما تكون الساعه 2 بالليل
و البيت كله نايم
بتبقى عايز تصرخ بأعلى صوتك
كفاااااااااااااااايه ......حراااااااااااااااااااااام
كفايه بقى...ما خلاص..
حرام عليكوا اوى كده
بس كفايه ايه..معرفش
كفايه و خلاص

طيب عارفين الشعور ده
لما تكون راجع من يوم حلو اوووووووووى بالنسبه ليك
و ترجع..متحكيش لحد من اللى فى البيت على اللى حصل
و يمكن متحكيش لحد خالص
و يمكن اصلا محدش يسالك
ولا يقولك تعالى يا حبيبى
عملت ايه
احكيلى ابسطنى معاك
تبقى عايز حد جنبك اووووى يفرح معاك كده
بس متلاقيش
و تروح قبل ما تنام تراجع اليوم ده كده
لقطات بسيطه
و فى ااخر يوم اجمل من رائع
و انت جاى تنام...تقعد تعيط
مع ان فى ناس كتييير يحسدوك على اليوم ده

http://img31.picoodle.com/img/img31/4/1/28/f_sadwitharosm_8243e39.gif
طيب عارف
لما تحس انك عايز مساعده من اى حد
اى انسان
اى مخلوق
حاسس انت بتغرق
بتغرق فى ايه مش عارف
بس انت محتاج مساعده
محتاج حد ينجدك
مش عارف هتطلبها من مين
و حتى لو طلبت مساعده
هتتقوله ايه
عايزك تساعدنى و خلاص
هيرد و يقولك اساعدك فى ايه
تقوله حاسس انى بغرق
الحقنى
هيقولك بتغرق فى ايه
ما انت واقف قدامى اهو
انت محتاج مساعده
بس مساعده فى ايه انت مش عارف
و تفضل تغرق و مش لاقى مساعده



http://img26.picoodle.com/img/img26/4/1/28/f_liquidssm_3ffeaa8.jpg
طيب عارفين
لما تكون عايز تسمع كلمه معينه مش شخص معين
كلمه ممكن تكون كلمه من حرفين بس
مش صعب عليه يقولها
وتلاقيه ولا بيتكلم
تحس انه تمثال
ما تتكلم بقى
طيب ما هو انا شايفاك بتقولها مليون مره
شايفها فى عينيك
حاسسها اوى
عايز تسمعها بقى
قوووووول
اتكلم
و لما يتكلم
تحس انه بيشفق عليك
!!!...بتشفق على
طيب لما انت كده
بتحسسنى بيها ليه من الاول اصلا
بتعيشنى فى الشعور ده
ليه من الاول..و لو للحظات
لما ده مش حقيقه

http://img28.picoodle.com/img/img28/4/1/29/f_n5187323001m_40a70c8.jpg
طيب عارفين بقى
لما تلاقى نفسك كده
عايش شعور جميل اوى
مع نفسك
انت بتحب جديد
انت عاااشق
بس اللى يضحك
مفيش حبيب
انت لوحدك
بتحب و خلاص
هو انت اااه بتحب
بس اللى بتحبه ده مش موجود
طيب هو فين
معرفش

http://img26.picoodle.com/img/img26/4/1/28/f_15711606157m_7ceae69.jpg
طيب عارف لما تبقى عايز تسمع صوت حد معين اووى
واحشك اوى
عايز تسمع صوته
تطمن عليه
و تفضل مستنى
و مستنى..... ومستنى
و فى الاخر ميتصلش
لا و بعدين يتصل حد تانى
تقول اخيرا اهو
و ترد بلهفة
و تسمع صوت حد تانى
مش ده اللى كنت مستنيه
http://img36.picoodle.com/img/img36/4/1/30/f_15831605159m_6a95ab1.jpg
و الشعور اللى بتحسه دة كلو مش بيتوصف بكلمات اصلا
بيبقى عميق اوووى
بيبقى جاى من جواك
http://img32.picoodle.com/img/img32/4/1/29/f_relaxationtm_9c890bb.jpg
و مش عارف اصلا هو اتولد ازاى جواك
-------------------

تحياتى لكم ميدو

سلامة الروح
20-02-2009, 04:22 PM
مشاركة مميزة جدا لامست مشاعري بصدق كانك تتحدث فعلا عن اشياء بداخلنانشعر بها ولكننا لا نستطيع التعبير عنها
تعرف كمان اكتر حاجه توجع انك تحب حد وتلاقيه مش حاسس بيك أو حاسس بس يفضل يبعد وانت نفسك تبكي فحضنه وهو معاك ومش معاك ..ومش قادر تعرف هو فين..؟؟؟؟؟دنيا غريبه
نفسك تحكي لحد بس مش لاقي حد يحس بيك واذا حكيت متلاقيش رد يريحك بس دايما بنحب اللي بعيد علينا

اشكرك علي هذا الموضوع
سلمت الايادي
ارق وأعذب التحيات
أختكم .سلامة الروح

stop_love&life
26-04-2009, 12:49 PM
شكرا