PDA

عرض كامل الموضوع : قناة خميرة بيرة الأخبارية



اللورد
13-09-2004, 01:06 PM
موسيقا الأخبار ...يبتاع الفرولة بتاع الفرولة

المعلم بدران ابو مطوة مذيع قناة خمير ة بيرة الأخبارية السلام عليكم.

نبداء معكم اخبار الليلة بموجز الأخبار.......ولكن بعد هذا الفاصل الأعلانى.....بتاع الفرولة يبتاع الفرولة.......جرب حلب حصى تلاقى نفسك زى الحصان.. جرب السوبيا واقول يالوبيا... احذر التقليد؟

.....عد نا ....بتاع الفرولة يبتاع الفرولة...
بدران ابو مطوة..اهلا بكم...ازيكم يجدعان..اخر اخبار العالم دلوقيت..اقولكم الموجز وهو اللى آنى عاوز اقولة..رقم واحد...هيجان فيل فى حديقة الحيوان

رقم .. اتنين لجوء خروف صغير الى زريبة جمال.. رقم..تلاتة العلماء اكتشفو النهار دة بقعة زيت فى البحر الأحمر...رقم اربعة..انتحار جماعى لحمير قرية شربخ......والى التفاصيل....

هاج فيل اليوم فى حديقة الحيوان...وقام بتكسير الحوش بتاعة وقام داخل على حوش الجمال واداهم حتة دين علئة ماكلهاش حمار فى منصر..ومعكم مراسلنا طلبة المعفن ابو خيشة وهذا اللقاء مع الفيل...اييهه مالك مطربق الدنيا خبر ايهههههه..ولية تضرب الجمال دى؟؟؟؟

صراحة اصل رقبتهم طويلة وهم اعدين يبصبصو على الست مراتى نسرين. :lol:
.................................
الخبر التانى....لجوء خروف صغير الى حوش من الجمال هربا من الجزاريين.
وعند سوال الخروف..لية هربت؟؟ . .زعق وقال ايههههههههه..الله.. مابتكلوش سمك ليييييييييية؟؟؟ :?
................................
الخبر التالت..هو ايية؟؟ هو ايية؟؟؟ ايوة ايوة افتكرت. اكتشف العلماء بقعة زيت كبير فى البحر الأحمر وبعد ماراحو يشوفو اية السبب...وجدوهندى قاعد يستحمى فى البحر .
..................................................................................
الخبر الرابع والأخير....انتحار جماعى لحمير قرية شربخ بعد تعاطيهم حقن مفرطة......
ووجدت ورقة مكتوب فيها وصيتهم والسبب الرئيسى وراء هذ الأنتحار...احتجاجا ومطالبة بتسوية اوضاعهم وتوفير زريبة مستقلة لكل حمار اسوة بحمير القرى الأخرى.

.................................................
انتهت الأخبار


بدراااااااان اببببببببببوووووووووو مطوة...من قناة خميرة بيرة..مممممممووووووووسسسكووووو

بتاع الفرولة يبتاع الفرولة

اللورد
13-09-2004, 01:10 PM
وهنا بترد قناة الرومباليكو فى الشهربيكو للأخبار :D

ترترترتراراااااااا


قناة الرومباليكو فى الشهربيكو للأخبار تقدم نشرة أخبار الساعه ....... مفيش ساعه عندنا لسه هنشتريها


نقلت قناة خميره بيره بعض المعلومات المضللة .. حيث أن الخروف المذكور كان فىسلخانه عم برعى العجلاتى .. وليس المعلم بدران أبو مطوه .. - دغير أن المطوه مش بتاعته أصلا -

كما أن الخروف هو السبب الرئيسى فى بقعة الزيت فى البحر الأحمر المتوسط

لأن علماء وكالة ناسا اكتشفوا إن بقعة الزيت ديه .. ما هى إلا بقايا الشاور جل بتاع الخروف لما كان بيصيف فى البحر الأحمر

هذا وقد قام الفيل أبو زلومه بأكبر حالة هيجان . لأن الناس فى الهند تحترمه .. لكن هنا بياكلو أكله لامؤاخذه


أما فى الخبر الأخير الذى أذاعته تلك الشبكه المضلله .. فنأكد لكم سيادتكم أن الحمير كلهم جارى إنشاء وحدات زريبية لهم .. وسيكون قريباً هناك زريبه لكل مواضن .. لحل أزمه شباب الحمير .. و المواصلات سهله لهم والعيش كبير والأشيه معدن

وفى النهايه .. نود أن نوضح لسيادتكم .. أن المذكور بتاع الفراوله .. هنضربه بصاروخين سكود .. لأنه بيبيع الفرولة ب ثلاثة جنيه وربع .. وهى فى التسعيره .. بجنيه وخمسه صاغ

اللورد
13-09-2004, 01:12 PM
نظرا للهجوم اللى ماكناش واخدين بالنا منة من قناة الرو مباليكو مش عارف اية

اواكد ان كل اخبارنا صحييييييييييييييحة وموضوعيييييييييييييية بس عليها شوية كدب على حبتين

يوست فندى على صحن رز بلبن..........اماااااااااااللللللل ماحنا لازم نبسطكم يجدعان.


المهم نرجع للأخبار الرياضية.....وللجمهور العزيز الفراولة ببلاش

يبتاع الفراولة يبتاع الفرولة..وتفرج على حلاة حلاوة ..دى بلدى ونقاوة نقاوة.

اقدم الملاكم اللى عاملى فيها فتوة وهو ولاحاجة مايك تايسون على اكل ودن الملاكم لوفهيد

التانية...ولما سألة مراسلنا طلبة المعفن ابو خيشة وقال...

اييييةةةة ..خبر اييييةةة..مالك نازل فى الناس عمال تاكل فى ودانهم...خبر ايييييييييةةةةة؟؟؟؟

رد تايسون وقال: مزاجى كدا بااااااااخى الله.
___________________________

الخبر اللى بعدة...فاز فريق حارة عزبة المتشحتف على فريق حارة المتكيف 200/0

والسبب ان حارس فريق المتشحتف كان فى اجازة ام راحو الفريقين يسجلو فى مرمى واحد.

___________________________

الخبر اللى بعدة الفيل ابو زلومة يشارك لآول مرة فى سباق المارثون ويأخذ المركز الأول بجدارة بعد ما داس على كل المشاركين.

___________________________

المتسابق بدران ابو مطوة يطرد من منافسة المبارزة فى اليونان لأنة رفض يبارز غير بالمطوة.
___________________________

الخبر الأخير الحمير تقوم بتمارين لياقة واحماء للمشاركة فى تسلق قمة افرست..لكن المشكلة

انة ما فيش كمامة اوكسيجين على مأسهم.

يبتاع الفراولة يبتاع الفرولة..وتفرج على حلاة حلاوة ..دى بلدى ونقاوة نقاوة.

احوال الطقس...

اليوم راح تهب صواعق واعاصير مصحوبة بستين نيلة على دماغتنا.

ونا انصح كل الستات اللى نشرين الغسيل تشيلة قبل مايروح عليها وتبقى حكاية.

-------------------------------------

شكرا وبقى نشفكم بكرة يلا شطبنا ياحبيبى...واد ياطلبة...سكر القناة يلا.

اللورد
13-09-2004, 01:14 PM
بتاع الفرولة يبتاع الفرولة..وتفرج على الحلاوة حلاوة ..دى بلدى ونقاوة نقاوة.

بدران ابو مطوة..قناة خميرة بيرة الأخبارية سلام عليكم.

نبداء جولتنا الأخبارية بموجز من الأخبار لكن المخرج بيقلى بعد الفاصل.

بتاع الفرولة يبتاع الفرولة..وتفرج على الحلاوة حلاوة ..دى بلدى ونقاوة نقاوة.

جرب عصير الفجل الجديد..منعش...لذيذ...خالى من الأضافات والمواد الحافضة

سهل الأستخدام...ولو معجبكشى...اديه لأقرب خروف عندك..

شراب فريد فول...مشروب الطاقة اللى ما يتفوتش....فريد فول مستخلص من الأكلة

العالمية الفول....فريد فول حاصل على شهادة الآيسو فى الجودة..لا ننصح الطلاب باستخدامة

اثناء الأختبارات الدراسية.....

_____________

عدنا. :lol:

بتاع الفرولة يبتاع الفرولة..وتفرج على الحلاوة حلاوة ..دى بلدى ونقاوة نقاوة.

موجز الأخبار..نمرة واحد اكتشاف لغة جديدة فى عزبة مزاج على كيفك.

نمرة تنين...مضاربة قوية فى سوق الجمال.

نمرة تلاتة...احتمال سقوط نيزك حجمة قد الهرم الكبير.

والى التفاصيل............صرح العلماء فى وقت متأخر من مساء امس..عن اكتشاف

لغة جديدة فى عزبة المتكيف....فقد وجد راجل عمال يتكلم لغة غريبة..وكان قاعد يقول عاش منفاشك....شان منعاشك...عان شمنافك.....واخذت اقوال للمختبرات الصوتية للتحليل وتم الأستعانة بجهاز فك الشفرة وبعد...ساعات طويلة...تم التعرف على الرجل..واتضح انة مراسلنا طلبة المعفن ابو خيشة..وكان محشش ومتكبف وكان يحاول يقول عاش من شافك
______________________

رفع المضاربين فى سوق المال من اسهم الجمال وذلك بع الشاعة اللى بتقول ان البترول

خلص وان الأنظار مسلطة على سفن الصحراء وأن الخبراء قاعدين يهجنو ما بين الجمل والدلفين علشان يبقى سفينة صحراء وبحر بحق وحقيقة..

____________________________________


الخبر الأخير....حالة هيجان وفزع تنتاب قرية خربتها بعد انتشار خبر سقوط نيزك قد الهرم الكبير اللى بناه خوفو....وبعد السؤال عن مصدر هذا الخبر ...اتضح ان واحد ركب دش وعمرة مشاف افلام خيال علمى...وشاف فيلم نهاية العالم...