PDA

عرض كامل الموضوع : التحليل العلمي للحب



زوميو العالم
03-10-2009, 01:01 PM
قبل ما تحب حب حقيقي لازم تمر بمرحله الحديقه وهو معرفه الحب من اصدقائك.من الاغاني.من الافلام وتبقى تكول ليش محد يباوع عليه اخاف ما أعرف احجي ويسألوك اصدقائك انت تحب تكول أهووو أني مصادق خمسه وأني وأني وتظل تكمز عليهم ولمن تشوف كبل كاعد نكول شوف هاي اكو واحد يباوع عليها وتكوم تشمر.وأول ما عينك تصير بعين البنيه اللي راح تحبها راح تنحول وتتحول وتكوم ترمش والبؤبؤ يغوش وراح يطلع ايعاز ركض من العين بسرعه 4 سم بالساعه ويكوم يسوي بطناشات ويستهتر بالسياقه لحد ما يوصل للمخ المخ مزنجر لان ما مشتغل قبل فراح يدير سلف الا دفعه وراها يجمد لمده اجزاء من الثانيه ويبقى بدون تفكير يعني مو غريبه عليك ويصير عندك وراها رجفه بالستيرن وقلبك يكوم ما يصعد مي للتانكي ويصير عندك شلل أطفال مؤقت وتفتح حلكك فد 40م فوق مستوى سطح البحر وراها تروح تصارح وتشيل البوري وتركض

مع تحياتي