قصة لقيتها في احد المنتديات وحبيت اعرضها لكم مع شوية تعديلات
دخلت الاستاذة الزهرة العيناويةللصف على طلابها وطالباتها.. وسلمت عليهم
وردوا الطلاب السلام كالعادة بخووف .. ههههه لان عندهم واجب
ويوم سألت الاستاذة زهرة عن الواجب.. يلس كل واحد يطالع ربيعه
معناته أنهم مب حاليين الواجب.. طلعت عصاه وقالت لهم يلا فجوا
على الواجب .. خلوني أنفتش على الواجب نبدأ من الصف اليمين
بريق الماس..
لأنها ولا مره حلت الواجب
الأستاذة زهوورة: ها بريق الماس ربج حليتي الواجب؟؟؟
بريق الماس: والله يا أستاذة أنا كنت فاجه الدفتر على أساس إني ناويه أحله..
بس تعرفين أستاذة أنا ما عرف أسوي شي وأنا يوعانه .. قلت بسير أكل وعقب بحل الواجب ..
ويوم كلت وخلصت .. مادري شو صار فيه ؟؟!!! يلس بطني يعورني .. وبت طوول الليل في الطواري من ويع بطني...وما قدرت أحل الواجب
الأستاذة زهوورة: لا والله .... بطنج يعورج
بريق الماس: هييه والله يا أستاذة..والطوراي يشهد عليه
الأستاذة زهوورة: أنزين .. أنزين بسج من الصيااااااح .. طريتي لي أذني
ويين ورقه العذر؟؟؟
بريق الماس: هااااااااه... أي ورقه العذر!!؟؟
الأستاذة زهوورة: هيه ورقه العذر من الطواري ؟؟
بريق الماس: لازم يعني؟؟
أستاذة االدكتور قال انه أوراق العذر خلصن من عندنا ..
باجراخطفي علينا وبنعطيج عذر
الأستاذة زهوورة:والا جييه السالفة .. الأوراق خلصن ..
أدلين وين الصبوره؟؟
بريق الماس: هيه أستاذة.. تبغيني امسحها لج ؟؟
الأستاذة زهوورة:لا وأنتي الصادقة بتشرفين هناك .. نشي يلا على الصبوره يلا جدامي
اللي بعده
******************************************
الاستاذة زهوورة:سوووون وصمخ .. شو هذا اللي في يدك ؟؟
سون: هذا مسجل يا أستاذة..
الاستاذة زهوورة:يا سلاااااام .. انته ما تدري أنه المسجلات ممنوعة في الصف..
سون: ليش عااد .. يا أستاذة خلينا أنفرج عن عمرنا شوي .. بدال هالحصه المملة ..
الاستاذة زهووورة: ما شاء الله .. قالولك استيديو مب صف.. أكيد كل الاشرطه عندك ؟؟
سون: كل اللي تشتهينه يا أستاذة ..أمري أنتي بس
الاستاذة زهوورة: قم قم فز من على الطاولة .. وسر وغني لي أغنيه(( أنا معاقب)) على الصبوره
اللي بعده
******************************************
الاستاذة زهوورة:جوست.. ليش حاط راسك على الطاولة ؟؟
جوست: أوف .. يت ها ألحشره .. يا أستاذة أنا مب متفيج لج اليوم.. البارحة كنت سهران لين الفجر.. وما رقدت زين .. والحين راسي يعورني من قل الرقاد
الاستاذة زهوورة: سلامة راسك.. شو رأيك اييب لك بندول ..والا اييك شور .. شورايك ابند الليتات وشغل لك المكيف وأخليك ترقد على راحتك..
جوست: والله يكون أحسن .. ولو تسكتين عني بعد يكون أحسن وأحسن ..
الاستاذة زهوورة: عيل قوم قوم.. رأوني طولك ..
جوست: شو رايج في طولي يا أستاذة؟؟
الاستاذة زهوورة: سر انجلع على الصبوره .. وانته ساكت ..
اللي بعده
******************************************
الاستاذة زهوورة:بليز وخر شوي.. يعل يدك الكسر .. كم مره قلت لك لا تشخبط على طاولت البنات
ولا تيلس ترسم قلوب واشعاار.. أتحرانا نشتعل عندك كل يوم مغيرين الطاولات..
بليز وخر شوي: شو انسوي يا أستاذة .. ترها الدنيا جيه قلوب واشعاار
الاستاذة زهوورة: في ذمتك .. انته داقنك الهوى؟؟ يعني عاشق؟؟
بليز وخر شوي : هيه يا أستاذة .. ومنو فينا ما يحب .. حتى أنتي أكيد أتحبين ؟؟
الاستاذة زهوورة:هيه أحب .. بقولك منو أحب بس لا تخبر حد ؟؟
بليز وخر شوي: افا عليج سرج في بير .. والله .. وفي ذمتي .. واقسم بالله ..ورب الكعبة ؟؟
الاستاذة زهوورة: بس بس بقولك..أحب واحد اسمه(( واجب))
بلييز وخر شوي: امممم أظني هالاسم مار عليه .. وين وين وين؟؟هاااااااه الحين عرفت يعني أروح برع على الصبوره ويا الشباب..
الاستاذة زهوورة: عليك نور.. تفهما وهييه طايره ..يالله بسرعة على الصبوره ..
اللي بعده
******************************************
الاستاذة زهوورة: خير بعد أنتي الثانية .. شوفيها يدج ملفوفة؟؟
الورود: البارحة يا أستاذة كنت اضارب أخويه على القلامه.. لأنه ما كان يبغي يعطيني القلامه علشان أحل الواجب ..
قمت علشان ايب قلامتيه.. قام السبال وعقني على الطاولة وانطرت يدي..
الاستاذة زهوورة:سلاماااات يالورود.. ربج سرتي المستشفي..؟؟
الورود: لا ماسرت .. امايه دوتها لي ولفتا..
الاستاذة زهوورة: هيه.. أنزين فجي اللف خليني أشوف شو يدج الحين..؟؟
الورود: لا لا أستاذة .. ما يصير افجها بتلتهب عليه
الاستاذة زهوورة: بتلتهب عليج.. اقولج نشي سيري عند اخوانج هنااك على الصبوره
ويا ويلج لو تضاربتي ويه حد فيهم ..
اللي بعده
******************************************
الاستاذة زهوورة: الحراميه.. شو هذا اللي منثرتنه تحت الطاولة ... حب .. تاكلين حب في الصف؟؟
الحراميه: أوهوه.. ما تشوفيني مشغوله أنا الحين .. مري عليه بعدين ..
الاستاذة زهوورة: إن شاء الله عمتي.. انتي تامرين
أنزين لو تكرمتي .. إذا ما عليج أمر عطيني دفترج بشوف واجبج؟؟
الحراميه: خذيه هاذوه جدامج؟؟
الاستاذة زهوورة: ما شاء الله تبارك الرحمن.. شو كل هذي الرسايل؟؟
الحراميه:رسايل حق الربيعاتي .. عندج مانع؟؟ بعدين أنتي وايد اتعطليني.. أنتي ما عندج حد غيري..
الاستاذة زهوورة: لا بعطلج ولا غيره .. قمي فزي وشلي حبج ويااااااج.. وسيده على الصبوره
وحسابج بعدين ويايه..تطولين لسانج بعد.....انا بربييييييييج
اللي بعده
*************************************
الاستاذة زهوورة:احلى غدير.. بلاج تنتفضين .. اشيااااااااااج أتقول شايفه عزرائيل جدامج؟؟
احلى غدير: اللي جدامي العن عن عزرائيل وطوايفه..
الاستاذة زهوورة: شو شو قلتي ؟؟ شو تخربطين انتي .. ليش يالسه اتحرطمين؟؟
احلى غدير: لا أستاذة .. كنت أقول إني يا أستاذة حليت الواجب..
الاستاذة زهوورة: الحمد الله .. الظاهر بتظهر بس وحده من هالصف الكسلان هي اللي حاله الواجب..
عطيني دفترج أشوف الواجب؟؟
احلى غدير: بس بس بس بس بس.....
الاستاذة زهوورة: شو بلاج اتبسبسين.. وين الواجب؟؟؟ أشوف الطيب ما ينفع ويااااج..
احلى غدير: أستاذة أنا حليت الواجب فليل ويوم خلصت حطيت الدفتر فالشنطه .. والحين أنا يالسه أدور عليه .. وما حصلته مادري وين رااااااااح ؟؟
الاستاذة زهوورة: ليكون دفترج في ريول .. وظهر يمشي؟؟
احلى غدير: لا دفتريه يطير أستاذة..ههههههه
الاستاذة زهوورة: أتنكتين بعد على سواد ويهج .. قمي نشي .. سري دوري دفترج الطاير على الصبوره..
اللي بعده
*****************************************
الاستاذة زهوورة: دلال الكويتيه اشوفج لاهيه في هالموبايل وصوتج يالعندليب الاسمر وااصل أخر الصف .. انتي ماتدرين انه الموبايل ممنوع فالصف ؟؟؟..
دلال الكويتيه: اسكتي اسكتي.. فضحتيني يا أستاذة ..
أنا يالسه أرمس واحد وقايله له أنا مهندسه .. وأنتي أتقوليلي وين الواجب.؟؟.؟؟
الاستاذة زهوورة: سكري الموبايل لرقعج به الحين
دلال الكويتيه: اوووف منج .. سكرناه..شو تبين بعد ؟؟
الاستاذة زهوورة: هااتي الواجب يا حضره المهندسه؟؟
دلال الكويتيه: اندوج خذيه. اشبعي فيه .. زين الحين خربتي عليه مكالمتيه ؟؟
الاستاذة زهوورة: اصغر عيالج .. لا اصغر عيالج اترمسيني جيه .. هاتي الدفتر خلنيني أشوفج شو مهببه
يا سلام يا سلام شي طيب.. هذا دفتر والا دليل هاتف؟؟
دلال الكويتيه: شو أسوي أستاذة .. كل ما أفج الدفتر وبحل الواجب حد يتصل فيه ..
وعااد أنا أسجل أرقامهم عندي .. علشان ما يضيعن ....
أستاذة تراني أنا شاطره .. بس هالربع مخربين مستقبليه.
الاستاذة زهوورة: بالله عليج .. أنا براويج منو بيخرب مستقبلج
جدامي على الصبوره.. انتتي مب أحسن منهم ..
اتمنىانهالموضوعنالاعجابكم..والسموحهمنالاعضااءترانياتمصخرولاحدياخذعلىخاطرهمني......
تحياتي
السفااااااااااحة
الزهرة العيناوية
رد مع اقتباس
كاتب النص الأصلي : الزهرة العيناوية
،،،،ريحتكم طالعه،،،،،
