Strict Standards: Static function vB_Route::getURL() should not be abstract in /home/yabdooc/public_html/board/vb/route.php on line 428
معاني اسماء البنات حسب علم النفس
المشاركات الأخيرة





+ إضافة موضوع جديد
عرض النتائج 1 إلى 4 من 4

الموضوع: معاني اسماء البنات حسب علم النفس

  1. #1

    معاني اسماء البنات حسب علم النفس


    معاني اسماء البنات حسب علم النفس

    قرات هذه المساهمة واعجبتي فاتمنى ان تنال اعجابكم ايضا

    ابتسام : رزينه .. و ثقيله .. و خدومه .. بس عقدتها انها شينه.


    أمل : طيبة قلب .. و تفكر ألف مره قبل ماتقرر بشي.

    أحلام : قوية شخصيه .. ذكيه .. خدومه .. و دايم تحلم و تخطط حق المستقبل وعندها طموح.

    أسماء : هاديه و علطول ساكته .. و مخلصه .. بس غامضه.

    ايمان : طيبة قلب .. يحبونها اللي حولها .. مشكلتها انها ماتعرف تعبر عن حبها .. وتحس ان مافي حد يفهمها.

    بدور : مثل اسمها حلوه و مزيونه و خجوله .. بس ياويلك منها اذا سويت فيها شي.

    بشرى : تحب تثبت نفسها .. ذكيه .. تحب الناس .. غامضه .

    بدريه : ثقيله و رزينه .. وكتومه .. يعني اذا قلتلها سر .. تظمن سرك في بير.. بس ثقيلة دم .

    بسمه : انسانه ذكيه .. شخصيتها قويه .. ماتحب اللف و الدوران .. اذا حست ان في انسان بيغلط عليها .. تلعن سلسفيل اجداده..

    تهاني: خفيفة دم و من خفة دمها أحيان تظن انها مرجوجه وخريش.. حذره في تعاملها مع الناس.

    تغريد: طيبه و محبوبه من الجميع .. بس فيها عرق سوداني .. يعني عجازه.

    جميله : ذكيه .. و جريئه .. و الواحد يعتمد عليها .. مشكلتها انها ماتقدر تمتنع عن الحش.

    حنان : خفيفة دم .. خدومه .. مخلصه .. و مطيعه .. بس أحيانا تصير أنانيه بشكل فظيع .

    حصه : قوية شخصيه .. محبوبه .. بس للأسف مالها حظ .. دايم مقروده.

    حوريه : محبوبه .. و تحب التعارف و الصداقات .. بس انها شرسه .. محد يتحمل لسانها الطويل.

    حياة : اللي مايعرفها مايثمنها .. عاقله .. بس شينها انها تحب كل شي قدامها يكون جاهز .

    خلود : طيبة قلب .. شخصيتها قويه .. محبوبه من الجميع .. دلوعه .. وراسها يابس.

    خديجه : خدومه .. و تحب الناس .. و قلبها طيب .. ماتحب الحش .. و تتعامل مع الناس بطيبة قلب .. بس اذا غلط عليها أحد توريه نجوم الظهر.

    دلال : .حلوه و جذابه .. بس مشكلتها انها ضعيفة شخصيه .

    ديما : قوية شخصيه .. تتعامل مع الشخص مثل مايعاملها .. كلمتها وحده .. و قلبها طيب .. من طيبته يوديها في مشاكل.

    دانه : أهلها يموتون فيها .. دلوعه .. و حلوه ولسانها طويل تعلقه على كتفها..

    رشا : ياحليلها .. طيبة قلب .. و دمعتها دايم على خدها .. عاطفيه .. بس ياويل من يغلط على أحبابها ولا يدوس لهم على طرف..

    روان : دلوعه .. و محبوبه .. بس دايماً تكون ضايعه في الطوشه يعني ماتدري وين الله حاطها.. خبر خير يعني..

    رقيه : مخلصه في شغلها .. ماتحب اللي يلعب بذيله .. متحفظه .. وماتحب اللعب و اللف و الدوران..

    ريم : طيبة قلب .. و خدومه .. و على نياتها .. مطيعه .. تحب الناس .. بس مقروده مالها حظ..

    رنا : حلوه .. حنونه .. و تحب الناس .. اجتماعيه .. واجتماعيتها هاي تسبب لها مشاكل..

    رانيا : دلوعه .. ويعتمد عليها .. بس مشكلتها انها ثقيلة دم..

    زينب : حلوه و مزيونه .. و لها شخصيه قويه .. خدومه .. و تحب تعبر عن مشاعرها بطلاقه .. و راسها يابس.

    زهره : ذكيه وشاطره .. حبوبه .. تحب الصداقات .. مشكلتها غيرتها اللي تذبحها و تذبح اللي حولها .

    زكيه : تحب الضحك .. و المزاح .. و المرح .. شاطره .. و حنونه .. بس لسانها دايم يخونها..

    سماح : وفيه .. وحبوبه .. و تفكر بعقلها قبل قلبها في الامور العاطفيه .. بس للأسف انها مقروده مالها حظ.

    سلوى : قلبها طيب ..مطيعه و خدومه .. و حلوه و مزيونه .. دلوعه .. بس للأسف مالها حظ .

    سعاد : شاطره و ذكيه .. بس شرانيه.

    ساره : محبوبه .. ذكيه .. طموحه .. عنيده ..و مزعجه.

    سلمى : ذكيه .. شخصيتها قويه .. تحب الحريه و التجديد .. لكنها مزعجه.

    سناء : حبوبه و خفيفة دم .. و اذا حبت تبيع الدنيا للي تحبه .. مشكلتها انها تفكر بقلبها قبل عقلها .. و هذا يسبب لها مشاكل .

    شعاع : ذكيه .. و مجتهده .. و شخصيتها قويه .. واذا حطت براسها شي لازم تسويه .. بس انها شينه..

    شريفه : خفيفة دم .. تحب صديقاتها .. و الناس تحبها .. بس وقت الجد جد .. ماعندها مزح و كلام فاضي .. (عسكريه ).

    شوق : رقيقه.. و تحب تثبت نفسها .. خوافه.

    عبير : مجتهده و شاطره .. و حبوبه و دلوعه .. غامضه .. بس مشكلتها انها متهوره.

    عايشه : شاطره .. صبوره .. مخلصه .. اذا حبت أحد تحبه بجنون .. بس مشكلتها انها تمشي ورى هواها.

    عزيزه : مخلصه .. رزينه .. ثقيله .. وثقيلة الدم.

    العنود : شخصيه قويه .. مزيونه .. محبوبه .. لها شعبيه كبيره .. و ذكيه .. طموووحه .. و ياويل من يتجرء يغلط عليها.... انا اشهد خخخخخخخخخخ ( هالاضافه من رج )

    فاتن : حلوه .. حبوبه .. ذكيه .. شخصيتها ضعيفه.

    فردوس : ذكيه .. طموحه .. شخصيتها قويه.

    لمياء : محبوبه .. تحب تبني صداقات .. و دلوعه .. و ياويله اللي اذا طلبت منه شي و لا جابه لها.

    لينا : طيبة قلب .. و على نياتها .. و دمعتها علطول على خدها .. بس تحس ان محد يفهمها.

    ليلى : شخصيه قويه .. ذكيه .. حبوبه . تحب المزاح .. لكنها مزعجه.

    منيره : واضحه .. ماتحب اللف و الدوران .. صريحه .. و أم حنون .. بس لسانها طويل.

    منال : هاديه .. و حلوه . ودلوعه .. وواثقه من نفسها .. بس انها مغروره .

    مريم : طيبه و على نياتها .. عاطفيه .. و مندفعه .. تحب الحش.

    منى : هاديه .. و رزينه .. ذكيه .. و تحب المظاهر.

    مشاعل : محبوبه .. تحب بناء صداقات .. لكنها غامضه .

    نوره : شخصيتها قويه .. ذكيه .. و شاطره .. تفكر بعقلها في الأمور العاطفيه .. تحب تزيد ثقافتها .. صريحه ماتعرف تجامل .. مشكلتها انها ماتعرف تعبر..

    نوف : تحب بناء الصداقات .. تحب المغامرات ... تحب التراث .. لكن يا حبها حق الحش .

    نوال : شخصيه قويه .. محبوبه .. و تحب الناس .. مطيعه .. و عنيده.

    ناديه : شخصيتها قويه .. و تحب تثبت نفسها .. تعتمد على نفسها .. وماتحب تغامر بشي .. تفكر مليون مره قبل ماتسوي أي شي
    .
    هيفاء : شخصيه قويه .. يعتمد عليها في أصعب المواقف .. خدومه .. لكنها غامضه .. و تحب الحش.

    هناء : على نياتها .. تتصرف حسب مايملي عليها عاطفتها .. بدون تفكير .. ذكيه .. خدومه ..

    هيا : محبوبه .. تحب اللي يحبها بس .. مطيعه .. مخلصه .. لكنها عصبيه .

    هند : عاطفيه .. ذكيه و شاطره .. اذا حبت شي تحب تمتلكه لحالها .. غيوره

    هنادي : شخصيه قويه .. تحب الدلع و المظاهر .. ذكيه .. ومحبوبه من الجميع

    وفاء : شاطره و ذكيه .. بس ياويل اللي هي تحط عينها عليه.

    ياسمين : قلبها طيب .. خدومه .. مزيونه .. لكنها متهوره.

    يسرى : شخصيه قويه .. تحب تثبت ذاتها .. و تحب المظاهر...

    ان بغيت اعشق ابلقى كثر حبات الرمال= لكن انتي لو بغيتي صعب مثلي تعشقين
    قلت كل الصراحه واختم اطراف الجدال=وان زعلتي من كلامي تزعلين وتقعدين


  2. بسم الله الرحمن الرحيم


    معاني حلووووووه كاحل بس خسااااااااره مو لاقيه اسمي وياهم


    اتمنيت القاه علشان اعرف اقيم ها المعاني


    بس الاحظ انها مدح في اولها وذم في تاليها


    اعتقد انها اسماء مزيونه بالنسبه لمعانيها


    مشكوررررر ايها الكاااااحل لاهتمامك باهمية الاسماء واختيارها


    فمثلا في ناس يحب ُ اسم مي ومنتشر بكثره

    ومو منتبهين انه معناه انثى القرد

    لانهم لو بحثو عن معاني الاسماء لما كان منهم ها الاسماء الي معانيها شينه


    وغيرها كثير ،،،،،


    واختيار الاسم الزين ضروري فسينادى به يوم القيامه ويناديه الله باسمه في

    السموات ،،،،، وكل اسم هو مدلول لنفس الشخصيه الي تحمله


    لذلك اوصانا رسول الله بحسن اختيار اسم المولود وهذا من حق الولد على والده

    وتبديل الاسماء ذات المعاني الشينه الى اسماء معانيها زينه

    وقد غير رسول الله اسماء اشخاص ذلك الوقت ولنا في رسول الله قدوة حسنة


    مجددا شاااااااااكره اخي الكاحل على اهتمامك بها القسم واثراءه بها الموضوع


    تحياااتي الورووووود






  3. #3

    مشكووور كاحل ..

    ههههههههههههههههههههههههه ...


    والله من جد بعضها راكب بالفعل .


    ولو ماتحقق جميع المطروح لازم تلقى لك صفة وحده في صاحب الأسم .



    يسلمو كاحل ....


    تقبل تحياتي وشكري ....

    قال أحد قادة لذريق في رسالة بعث بها إليه يصف بها جيش المسلمين الأول الذي عبر إلى الأندلس بقيادة طارق بن زياد
    : ( لقد نزل بأرضنا قوم لا ندري أهبطوا من السماء أم نبعوا من الأرض ) .


    و بعد السقوط كتب كوندي



    أحد الكتاب النصارى - حيث قال : ( العرب هَوَوْا عندما نسوا فضائلهم التي جاؤوا بها ، وأصبحوا على قلب متقلب يميل الى الخفة والمرح والاسترسال بالشهوات )

  4. #4

    الورود شاكرللك مرورك وتعليقك اللي دايم تحرجيني فيه وهاذا من لطفك
    وبعدين تعالي مايحتاج تدورين على معنا اسمك لانه واضح من الاسم نفسه

    الجرورح اخوي لشكرك على مرورك
    والله من جد بعضها راكب بالفعل .

    (والله انك صادق )

    ان بغيت اعشق ابلقى كثر حبات الرمال= لكن انتي لو بغيتي صعب مثلي تعشقين
    قلت كل الصراحه واختم اطراف الجدال=وان زعلتي من كلامي تزعلين وتقعدين

معلومات الموضوع

Users Browsing this Thread

يوجد الآن 1 قارئ يقرؤون الموضوع. (0 عضو and 1 ضيف)

ضوابط المشاركة

  • لا يمكنك وضع موضوع جديد
  • لا يمكنك وضع مشاركات
  • لا يمكنك إرفاق مرفقات
  • لا يمكنك تحرير مشاركاتك
  •