ولحد ما ترجعى
تجمعى أشواقى
ولحد ما بعينيكى تدمعى
تندمى على فراقى


هاصبر واهيأ للصبر طريق
أخطى فيه عايم زى الغريق
هامشى عكس التيار
مش هاطاطى للعواصف
عشان أحلامى بإصرار
مش هاجبن ابدا ما أكون خايف
هحارب فى حروب وهمية
أقتل وانقتل لو حتى ماليش ديه
ولا إنى أرجع
مسابقنى خذى وعارى
ألعن الحياة وأعلن إنكسارى
مش هاضعف مش هاستعطف
عشان عارفك هاترجعى

ولحد ما ترجعى
تجمعى أشواقى
ولحد ما بعينيكى تدمعى
تندمى على فراقى


هامد الأمل فى عروقى
حلمى أطعم من الشهد لو تدوقى
يتمزج الأمل بالدم فيا
هاعيش أصلب من الحجر
يوم ما تنادى ع الحب اللى بيا
هاكون أيوب تانى
وصبرت أكتر من ما صبر
ماهو مش ممكن لو يمكن يتمكن
اليأس منى
أقف مطاطى اسب وألعن
فى ظروف أقوى منى
هاتحداها
لو عمرى فى أخر مداها
عشان عارفك
مهما بتهجرى لازم ترجعى

ولحد ما ترجعى
تجمعى أشواقى
ولحد ما بعينيكى تدمعى
تندمى على فراقى
هاصبر .. هاصبر