Strict Standards: Static function vB_Route::getURL() should not be abstract in /home/yabdooc/public_html/board/vb/route.php on line 428
قصيده لشاب فقير خطب بنت عمه المليونير؟؟؟؟
المشاركات الأخيرة





+ إضافة موضوع جديد
عرض النتائج 1 إلى 3 من 3

الموضوع: قصيده لشاب فقير خطب بنت عمه المليونير؟؟؟؟

  1. #1

    Post قصيده لشاب فقير خطب بنت عمه المليونير؟؟؟؟


    سبحان من يرزق بتوع الملاييـن*** الرازق اللي ما يخيب الرجـا بـه


    لي عم عنده معـرضٍ للصواليـن ***أموت واعرف بس من وين جابـه

    وإذا سألته قـال بعـت الدكاكيـن***ما يدري إني ما هضمت الإجابـه
    الشاهد إني رحت له قبـل يوميـن***في قصره العامـر ودقيـت بابـه

    قال ارحب ارحب عدّد ورد البساتين***يا مرحبا باللـي لفـا يـا هلابـه
    قلت البقا عـدّ النفـل والرياحيـن ***يا شيخ شمل اهل الكرم والذرابـه

    قال اسلم الله يحفظك لي من العين***وآمر أوامر حضرتـك مستجابـه
    قلت الصراحة طالبٍ قرب غاليـن*** ودي تزوجنـي كريمتـك يـابـه

    ثنّى وقال اهليـن والله وسهليـن***والكون ترخص لجل عينك رقابـه
    لكن ترا عندي شـروط وقوانيـن***قلت اشرط اشرط يا حبيب الغلابـه

    قال أولاً مهر العروسـة ثمانيـن***غير الرسوم وغير حق العصابـه
    والثانية عمك يبي منـك سبعيـن***رسم الأبـوّة والنسـب والقرابـه

    وام العروسة حقها منـك ستيـن***عشانها ست الحسـن والمهابـه
    واخوانها كلن يبي منـك خمسيـن***عداً ونقـداً تنـدرج فـي حسابـه

    وخواتها الخمس اعطهن من ثلاثين***عشان تتوثـق عـروق النسابـه
    وتجيب طقم عيار واحد وعشرين***وخاتم من الماس المصفى ترابـه

    واكياس متروسة كعوب وفساتيـن***ألوانهـا واشكالهـا مـا تشابـه
    وموتر بسواقـه وفيـلا بدوريـن***أثاثهـا مـن بطرتـه ينحكـابـه

    واحجز لنا قاعة بقصر السلاطيـن***واحجز بهـا رقاصتيـن وربابـه
    وامنع دخول اهل اللحى والبزارين***واعزم أميـر المنطقـة بالنيابـه

    هذي الشروط اللي على بالي الحين***وذكرني اللي ما حسبنـا حسابـه
    قلت اذكر الله يا عـدو المساكيـن***واستغفـره لا يبتلـيـك بعـذابـه

    الظاهر إنك منت عارف أنا ميـن ***أنا لو ارقا فـوق متـن السحابـه
    ما جبت حتى نص درزن مواعيـن***واضحك بكيفك واعتبرهـا دعابـه

    شروطكم هذي شـروط المجانيـن***شروطكم شغـل ابتـزاز ونهابـه
    شروطكم تقصم ظهـور البعاريـن***شروطكـم همّـن وغـم وكآبـه

    شروطكم والله سيوف وسكاكيـن***تذبح بنات المجتمع مـع شبابـه
    وين الرضا والعطف واليسر والليـن***اللي ذكرهـا الله بمحكـم كتابـه

    وين الصفات اللي أمرنا بها الديـن ***وين اختفى نهج النبي والصحابـه
    يا عم جعل اللي خلقنا من الطيـن***يرد عقلك مـن خطـاه لصوابـه

    ويجعل نصيبي عند غيرك قل آمين***ويحسن عزا الصابر ويجزل ثوابه
    قال انت لو فكرت تفكير صاحيـن***ما شفت في مجمل شروطي غرابه

    حنا بعصـر العولمـة والمزاييـن *** ماهوب عصر الفلسفة والخطابـه
    الناس تسعى للرتـب والنياشيـن***وانت اهتمامك بالشعـر والكتابـه

    والشعر ما ينفعك لو هو دواويـن***ما دام جيبك مثـل بيـت الخرابـه
    يا بوك لا تسمع كلام المصاخيـن***واسأل مجرب عاش في وسط غابه

    قلت الله اكبر يا محـرر فلسطيـن ***من يسمعك يحسبك ذيـب الذيابـه
    تراك شايب راس مالـك رياليـن ***والبنت ما تسوى جنـاح الذبابـه

    قال انقلع مالت على وجهك الشين****لا عاد اشوفـك عندنـا يالزلابـه
    قلت ابشر ابشر لكن الباب من وين***واقفيت من عنده على صوت بابـه..



    ترى الموضوع منقول


  2. مشكور يا (أسير@القلب) على هذه القصيدة الرائعة ...

  3. #3

    مشكور ع الرد الرائع

معلومات الموضوع

Users Browsing this Thread

يوجد الآن 1 قارئ يقرؤون الموضوع. (0 عضو and 1 ضيف)

مواضيع ذات صلة

  1. قصة المليونير تاجر المخدرات
    By زكرياء in forum المنتدى الإسلامي
    المشاركات: 3
    المشاركة الأخيرة: 26-05-2009, 08:09 AM
  2. شاب فقير خطب بنت عمه المليونير
    By حمد الزاهد in forum منتدى الشعر
    المشاركات: 3
    المشاركة الأخيرة: 08-03-2008, 06:30 AM
  3. قصة المليونير الذي أصبح يكنس الحرم؟؟
    By أم عبد العزيز in forum المنتدى القصصي
    المشاركات: 4
    المشاركة الأخيرة: 05-07-2007, 11:15 PM
  4. هل أنت فقير؟؟!
    By خياره in forum المنتدى العام
    المشاركات: 12
    المشاركة الأخيرة: 05-01-2007, 02:30 PM
  5. المليونير
    By $$ مــحماس بن جاكــسون $$ in forum المنتدى القصصي
    المشاركات: 6
    المشاركة الأخيرة: 27-12-2003, 08:45 AM

ضوابط المشاركة

  • لا يمكنك وضع موضوع جديد
  • لا يمكنك وضع مشاركات
  • لا يمكنك إرفاق مرفقات
  • لا يمكنك تحرير مشاركاتك
  •