ما اعرف اكتب بس ضروري اكتب وتسمعوني

انا البنت الوحيدة وعندي 10 اخوان انا اصغر وحده عمري 16 سنة امي في 60 وابويا مات وانا ببطن امي ماشافني

اخواني متزوجين وانا وامي نسكن ببيت اجار واخواني عندهم قصور وعايشين فيها مرة اغنياء
اخذو من امي كل املاك ابوي وورثتي وورثة امي
امي اصلها روسيه بس صارت سعودية لمن تزوجت ابوي
كل ما اقول لامي ابغى شيء تقول لاخواني فيقولولها طلباتها كثيرة ما يعطوني شيء ما عدا امي تحن علي وتشتريلي وتحرم نفسها من كثير اشياء

انا احب امي ومتعلقه بها وهيا تحبني وتدافع عني بس اخواني ما يحبوني وهما من ابويا وامي
يخاصموها لما يلقوها تحن علي
فكرو يزوجوني عشان يتخلصو مني لانهم يقولو لامي اننا نخاف من العار
انا مو موافقه وحتى امي تقولهم لس صغيرة كان عمري 14 وزوجوني واحد عمره 50 ما رحت بيته واخواني يقولو لامي لو ماتروح بالطيب ناخذها بالغصب
فتدخل جارنا وقال لهم مايجوز هذا وراح لزوجي وقاله طلقها وانا اعطيك كل الي خسرته
هو ما رد بس راح لاخواني وقالهم اختكم ما وافقت تجيني لانكم غصبتوها
وانا لازم اسمع موافقتها والا رايح اطلقها
جا اخويا مازن وقال لامي زوج غادة رايح يزوركم يبغى يسمع موافقة او رفض غادة
فلا تحرجونا معاه
زوجي هذا من اغنياء جده ومركزه عالي مره
جا عندنا في يوم الخميس هو ومازن وامي وانا وقال اتركونا لوحدنا وانا اسمع واقرر
راحت امي وانا كنت ابكي ما ابغاها تسيبني
قفلو الباب هو ماصدق اني معاه لوحدي فاغتصبني بقوة وانا اصرخ وامي عند الباب تترجا اخويا انه ما يتركني وهو يقلها هذا زوجها لا تخافي
القصة هذي لها سنة شهور انا نفسيتي تعبت واتنومت بالمستشفى شهرين ما اكلم اي انسان
امي مرضت وتعبت وجاتها جلطه واتنومت اسبوع وماتت وزادت معاناتي اكثر بموت امي
تدخل جارنا وطلقني من زوجي بالقوة
جارنا قال لي تتزوجيني وانا اعطيكي كل شيء هو كبير عمره يمكن 40
انا رفضت لكن هو ما سابني وفر لي كل شيء محرومه منه وكان يحبني
انا ما غطيت منه لانه الوحيد الي يسال عني بعد موت امي ومنجد احسه يبغا يتزوجني ويبعدني عن اخواني الاقوياء
اتزوجته عشت سعاده معاه ما عمري شعرت بها وعاملني زي بنته ما اعتبرني زوجه وكل ما كان يقرب مني يقول هذي بنت صغيرة ما تحتاج الا حنان
خلاني اكمل دراستي بعد ما اتوقفت عنها سنتين بسبب اخواني وفجاءة صار له حادث بالعمل ومات وتركني اتخبط واخذوني اخواني وتركت الدراسة وصرت حبيسة البيت ما يعطوني ابسط حقوقي
مرت 5 شهور وجا يخطبني تاجر كبير وحط مهري 8 مليون وغيرالذهب والهدايا اخواني وافقو بسرعه ما فكرو فيا ولا اخذو رائي فوافقت
انا ما ابغا اتزوج الا عشان اخرج من سجن اخواني فتزوجته واخذني معاه كل بلاد هو تزوجني عشان المظاهر وجاب لي شهادات من غير ما ادرس واشترى لي اراضي باسمي في كل بلاد زرناها وكتب لي املاك ومجهورات
هو ما كان يبخل كل شيء يجيبه لي وكل اسبوع واحنا ببلاد بس هو مريض ما يتصرف معايا
زي الازواج
عند زوجي اخوان واولاد وكم مره هما يرودوني ويتحرشو فيا وانا اقله وما يغار

مره كنت عند بنت زوجي وكنت سهرانه عندهم مناسبه فسوت لي منوم وخلت اخوها يغتصبني
وما قدرت اسوي شيء ولا اقول لزوجي عن ولده وبنته
هذي مشكلتي عشت معها شهرين معاناة وزوجي دحين مريض في فرنسا يتعالج معاه اولاده
ورفضو اكون معاه مع انه يطلبني اكون بجنبه فايه الحل

اخاف من كل شيء واخاف اتكلم عن اي حاجه مع اي احد الا انتم ؟